【#睇見都覺凍】當你覺得呢兩日嘅天氣,凍到完全無 mood 做嘢,不如你睇下世界上最凍嘅村落,有紀錄以來氣溫曾低低低至 -71.2°C,超難想像當地人嘅生活!啱喇,你覺凍?睇一睇可能會頓時增溫不少!
▲呢個世界上最凍嘅村落,位於俄羅斯西伯利亞東北部,每年由 10 月至 4 月嘅平均氣溫都低於 0°C,足足有 7 個月時間處於冰冷氣候,1 月平均氣溫只得 - 46.4°C,人口只有 500 人!
嚴冬天氣下,電線竿結冰,打唔到電話、眼鏡會黐住你塊面、筆芯墨水都凍乾到無法寫字、絕不可「停車熄匙」,熄咗就好難撻得着⋯⋯ 當地居民並無因為嚴寒天氣而只匿喺屋企中、完全停止活動,不過生活上始終有各樣不便:
▲一出門口,見到咩景色都好、咩設施又好,全部都係白色白色加白色!
▲當地文物 Ivan Kraft 雕像盡是結冰,相信都無人會鼓起勇氣撥走啲冰~
有人就挑戰將水潑上天,究竟會變成點?
▲睇睇當地居民嘅衣着,最起碼都要有一件超級保暖嘅大褸先出到門口!
▲啱啱放學返屋企嘅一位大學生,都包到密不透風!
▲遊客們都盡量減少外露嘅部位,齋睇相都覺得好凍!(圖:yaky345 @IG, visityakutia @IG)
//延伸閱讀//
▲剛剛番到屋企嘅時候會被冷氣包圍,好似我哋開咗雪櫃門咁!(咁似拍戲嘅?)
▲連波鞋都積上厚厚嘅冰雪!
▲廁所水管無法安裝,想去廁所,唯有去街上嘅公共廁所!
▲為居民守門口嘅小狗(狗奴表示,汪星人好慘呀!)
▲牧羊人每日傍晚嘅時候都要趕牛群入牛棚,以免牛隻凍死!
▲日照時間較短,街外嘅燈光喺黑夜只限供應 3 小時,居民長年累月地喺黑夜中渡過。(唔知個性會唔會都陰鬱啲呢?)
▲咁凍嘅天氣,自然寸草不生,所以肉類就成為佢哋嘅主要糧食,村民多食魚肉、野兔、馴鹿肉、馬肉等!
▲唯一嘅好處係,到處都係白濛濛一片,影靚景絕對無難度!(圖:dailymail.uk, yktlife @IG)
Oymyakon 奧伊米亞康
地址:俄羅斯西伯利亞東北部
圖:dailymail.uk、twtybbs.com
//延伸閱讀//
↓ 請您免費飛轉日/韓/泰!↓
↓立即睇打卡熱點/地道美食/住宿指南等!↓