台灣上榜！ Rough Guides 選 10 大必訪國家

文: U Travel 小編露兒

2017.02.09

【#排行榜】英國權威旅遊指南《Rough Guides》早前評選出 2017年 10 大必訪國家，第 1 位同第 10 位均為亞洲國家，即睇有邊啲國家上榜！

第 10 位 | 台灣

▲ 台灣被 Rough Guides 形容為「早就值得外界注意」，當地嘅美食、夜市出名，上年台灣被選為世界設計之都，有着前衛、開拓性嘅創意氛圍、新興咖啡店同全方位嘅城市生活。

▲ 喺台灣郊遊亦相對方便，搭高速鐵路好快就去到森林、山脈。指南亦提到，睇得出台灣文化深受中國、日本同美國嘅影響，現代建築附近會發現到傳統廟宇。不過作為華語世界唯一民主政體，台灣有佢獨特嘅地理、態度和身分認同。

//延伸閱讀//

10 大台北必去打卡位

時光機尋味台灣復古遊樂場

第 9 位 | 納米比亞

▲ 納米比亞位於非洲西南部，係最後一個宣佈獨立嘅非洲國家，隨住納米比亞穩步發展，Rough Guides 話係時候去當地旅行喇。

▲ 納米比亞旅行，可以喺地球上最古老嘅沙漠跳傘、搭熱氣球跨越喀拉哈里沙漠（Kalahari Desert），仲會見到獅子、犀牛同大象。如果你去骷髏海岸（Skeleton Coast），會發現以前遇上海難、最後被潮水沖上岸嘅失事船隻，似超現實主義嘅雕塑咁散落喺沙灘上。（圖︰XO Private）

第 8 位 | 芬蘭

▲ 今年係芬蘭宣佈獨立 100 年週年，Rough Guides 形容呢個國家揉合着北歐、俄羅斯、西方同土著文化，是「laconic, perplexing and charming」。

▲ 如果你計畫今年去芬蘭走一趟，就有機會欣賞到斯堪的納維亞人嘅體育賽事、世界上最大嘅雪餐廳、幾個音樂節，仲有芬蘭第 40 個國家公園 Hossa 嘅開幕禮。指南仲特別提到，到訪芬蘭必去浸桑拿，如 Helsinki 嘅 Löyly 就可以邊嘆邊欣賞 Baltic Sea 嘅景致。（圖︰visit helsinki）

第 7 位 | 葡萄牙

▲ 葡萄牙近年嘅郊區、沿海地區嘅旅遊業蓬勃，而城市亦因創意產業、世界級餐廳而變得越來越國際化。

▲ 里斯本（Lisbon）嘅變化最為顯着，集中咗好多具前瞻性嘅公司 startups。如果有興趣去里斯本，當地租金、酒店住宿費用唔貴，城市同時有具歷史意義嘅社區同精彩夜生活，可以有唔同體驗。愛食之人亦可考慮位於北部嘅 Porto，指南稱當地為飲食之都。（圖︰kodaroamphoto @instagram）

//延伸閱讀//

限定！新加坡百年古蹟酒店休業前設導賞團

玻璃球天幕餐廳睇盡倫敦夜景

第 6 位 | 尼加拉瓜

▲ 中美洲嘅尼加拉瓜係 2017 年其中一個旅遊熱點，好多人都想去親親嗰片「未受污染」嘅海灘。

▲ 如果你係 adventure travellers，唔想日日行沙灘嘅，尼加拉瓜都有啲探險活動啱你，如熱帶雨林生態遊同喺 19 座火山上遠足。（圖︰ornellina92 @instagram）

第 5 位 | 玻利維亞

▲ 玻利維亞全年嘅遊客數量幾乎不足一百萬人次，所以 Rough Guides 話「it’s safe to say the world has yet to discover Bolivia」，咁玻利維亞有咩咁特別？

A video posted by CNN Travel (@cnntravel) on Feb 8, 2017 at 6:13am PST

▲ 你可以徒步慢遊 Bolivian Amazon，去玻利維亞烏尤尼鹽湖（Salar de Uyuni），即係「天空之鏡」朝聖。呢片鹽湖係世界上最大最高的，落完雨就變成一塊大鏡咁。

//延伸閱讀//

日本天空之鏡幾時睇都咁靚

5個必去日本新鮮出爐得獎溫泉

第 4 位 | 烏干達

▲ 烏干達近年大規模咁投資旅遊基建，實行同肯亞、坦桑尼亞搶（旅）客，去烏干達最吸引嘅一定係野生動物！

▲ 烏干達嘅三角變色龍、大猩猩出名，近年開始有大猩猩 tracking，所以我哋可以多啲時間去認識大猩猩。只有喺烏干達，你可以坐獨木舟去尼羅河近距離見鱷魚、浸溫泉、爬雪山。（圖︰bulindichimps @instagram）

第 3 位 | 加拿大

▲ 加拿大係全球面積第二大嘅國家，當地有唔少山脈、森林、國家公園。適逄加拿大今年 150 年國慶，2017 年內會舉行多個慶祝活動，今年去玩一定好熱鬧。

▲ 不過追溯返加拿大嘅歷史，加拿大嘅第一民族係印第安土著，所以土著旅遊（Aboriginal tourism ）都好出名。Rough Guides 就推薦你去騎馬露營體驗、玩機動雪橇（snowmobile）、請 Kitasoo 同 Xai’xais 原住民帶路遊 Great Bear Rainforest。（圖︰Hello BC @instagram）

第 2 位 | 蘇格蘭