台灣,每個夜市裡面有咁多檔,梗係要揀最好嘅嚟食,但點食先最精?
早前,「桃園觀光夜市」同「中壢觀光夜市」就呢兩個夜市內的 300 種美食,進行咗一場比拼,選出 13 種最精嘅美食,而我哋亦係貴精不貴多,揀出 4 間必去嘅畀大家。
桃園夜市名物
花枝羹
▲ 貴為桃園夜市最出名又最好食的,一定係呢項比拼中得到冠軍嘅嘉義順蚵仔煎花枝羹,佢哋嘅花枝羹同蚵仔煎都係嚟呢個夜市必食的,最重要嘅係,基本上冇人食過會覺得唔好食。
▲ 花枝羹爆多花枝之餘,亦非常飽滿同食得出好新鮮,配上酸酸甜甜的湯,好味到個個乾晒!
▲ 至於蚵仔煎,雖然呢度嘅蚵仔冇想像中肥大,但勝在冇腥味,加上蛋皮煙韌有蛋香,唔似其他地方咁食麵糊一樣,再配上特別調製醬料,正呀!
嘉義順蚵仔煎花枝羹
地址:桃園市北埔路59號
電話:+886 (0)3 331 7363
//延伸閱讀//
外脆內嫩排骨酥
▲ 鑽研「本草綱目」的老闆,用上肉質鮮香的溫體豬肉混合孜然、丁香、八角等藥材做出的炸排骨,所以唔算太熱氣,而且因為以低溫處理,所以外皮酥得嚟亦將裡面的肉汁鎖住,食落味道仲有啲似鹽酥雞。
張傢店排骨酥
地址:桃園市北埔路與正康一街口
電話:+886 (0)9 3227 3701
好味足料烤馬鈴薯
喺香港食個焗薯,閒閒哋都 40 港元以上,仲要食完唔飽呢吓嬲,但桃園呢間烤馬鈴薯就份量十足,呢份裝滿成個便當盒嘅綜合口味(菜、煙肉、粟米及火腿等),雖然已經係店內最貴,但都只係賣 80 新台幣,真係抵到喊!
▲ 薯仔烤一個鐘後先淋上乳酪醬,然後才加上綜合配料,食起來唔同味道又有不同層次,味道及份量都令人好滿足。
桃園夜市烤馬鈴薯
地址:桃園北埔路 65 號
電話:+886 (0)9 3134 5045
必食芋頭糖水
▲ 食飽當然要食碗糖水先圓滿,呢間甜芋湯米糕粥,芋頭糖水就不能不食,事關煮到綿密的芋頭,吸盡了黑糖的精華,再配上煙煙韌韌的丸子同黑糖粉粿,甜而不膩,就連本來唔食芋頭嘅人食完都叫好。
▲ 以糯米煮成的米糕粥,入口即化,加上桂圓淡淡的香甜,及隨個人喜好加入的配料,很飽足。
甜芋湯米糕粥
地址:桃園市桃園區北埔路87號
電話:+886 (0)3 347 6066
圖:FB:桃園夜市烤馬鈴薯、張傢店排骨酥、IG:joyce33337、deno0831、lin84269、lochungting、tou800121、seeno007
↓ 領取資助金,用$0去玩不是夢~↓
↓立即睇打卡熱點/地道美食/住宿指南等!↓