終於有覺好瞓 小朋友上機神物

搭飛機，大人被困喺個位 5、6 個鐘都覺得難頂，更何況係小朋友，想小朋友安靜落嚟？最好氹佢瞓覺，但個位咁窄又點會瞓得舒服？

嗱，依家有辦法，因為 JETKIDS 推出咗一個名為 BedBox 的行李箱，喺德國 Kind & Jugend 攞咗創新獎，係一個專畀小朋友的行李箱，而呢個行李箱仲要可以將座位變成床，等小朋友可以有覺好瞓，係咪好偉大呢！

▲ 呢個叫 BedBox 的行李箱，造形同普通行李箱有少少分別，但勝在可以裝嘢之餘，佢嘅高度可以畀小朋友坐上去周圍轆，咁就唔使家長顧埋小朋友啲行李，正呀！

▲ 行李箱的 size 可以上飛機，而上到機後可以根據指示將頂部反轉，然後再拉出連接板後，舖好自己帶的床墊，就可以成為一張完美嘅床仔畀小朋友瞓，真係睇見都覺得開心！

▲ 小朋友大個仔唔夠瞓點算好？用嚟做枱住對腳都得，起碼唔使腳揈揈咁唔舒服。身為大人嘅我表示非常羨慕 T^T

▲ 呢個行李箱適合 0 至 7 歲小朋友，而價錢係 $169 美元，即千幾蚊港紙，有興趣的話，可到官網預訂，重點係，可以寄嚟香港，係咪開心先！

購買網址：

http://bit.ly/2d7GCkT

//延伸閱讀//

集資成功！ 一眨即拍 超快速 Blincam 相機

投影 Keyboard 出街打字無難度