自從美國失去咗總統奧巴馬,外交、內政統統亂晒籠,彷彿唔係好掂;但對於當事人,唔再做美國總統應該係一天都光晒,55 歲嘅佢,家陣先開始第二人生呀!
上周,奧巴馬同夫人米歇爾應維珍集團創辦人、英國富豪布蘭森(Richard Branson)之邀,去佢位於加勒比海英屬維京群島(British Virgin Islands)嘅私人島嶼 Necker 歎世界,享受人生 mode on!日前布蘭森於自家 blog 中大爆二人往事:
話說 8 年前,布蘭森曾於招呼過奧巴馬伉儷入住維京群島之一 Moskito Island 嘅超豪 Villa(又係佢嘅),當日,奧巴馬周布蘭森自稱喺老家夏威夷經常衝浪,然後就跳落海,狠狠地衝了一鋪;上返水,國防部大總管即刻同奧巴馬講:「未來 8 年,你都唔使旨意有得再衝喇!」
所以到奧巴馬今年一卸任,布蘭森決定好好地接待佢兩公婆,今次選擇另一私人島嶼 Necker Island 對出海面,來一場友誼賽:二人齊齊「學新嘢」,奧巴馬初試風箏衝浪 kiteboarding,布蘭森則挑戰更潮嘅新式衝浪板 foilboarding,睇吓邊個上水 hold 得最耐~
▲ 布蘭森與奧巴馬,兩個名人唔鬥名氣、唔鬥才華,改鬥持久力最強!
▲ 奧巴馬喺布蘭森嘅私人島嶼 Necker Island 沙灘上苦練足兩日,終於掌握到風箏衝浪嘅 basics,仲話周圍有勁多保鏕睇實。
▲ 到布蘭森初學 foilboarding。衝浪板底下裝有支架,撐起板身高出水面,滑行速度更高,佢話係完全唔同玩法,極易失控,戴埋頭盔先隱陣。
▲ 片個靚彎都型過人,55 歲奧巴馬原來都仲有心有力!
▲ 過去 8 年有幾何見佢笑得咁開心?抵你有今日啦。
▲ 二人私片結果係點可以 click 嚟睇,布蘭森仲話已經約定下次二人齊齊 kitesurf 到另一個島 Anegada 喎。
▲ 成個島都係佢嘅,佔地 30 公頃大過香港迪士尼,每日最多只招待約 30 名住客。
▲ 一晚幾銀?視乎人客數目,總之每晚所有人攤分成本價 39,000 英鎊,即係 351,000 港元左右;即係如果當日 full house,每人只須萬鬆啲蚊,島上消費全包,咁又唔算超貴。另不時有二人同行 7 日 package,盛惠 16,900 美鎊,即約 15 萬港元。
▲ 奧巴馬衝浪段片,遠處都見到呢幢建築,睡房全景開揚。
▲ 奧巴馬同 Michelle 就好啦~一瞓醒見到個咁嘅 view。
圖:Jack Brockway、Virgin.com、Virgin Limited Edition
↓ 請您免費飛轉日/韓/泰!↓
↓立即睇打卡熱點/地道隱世美食/必買手信等!↓