歐洲的吉百利朱古力一向勁多花款,最近仲要出左 Oreo 夾心朱古力蛋,係咪好想即刻試呢?
英國的吉百利朱古力一向勁多花款,最近仲出埋大人細路都鍾意嘅 Oreo 夾心朱古力蛋,這款名為 Egg 'n' Spoon 的朱古力,包裝似足雞蛋盒,紫色蛋盒內有 4 隻朱古力蛋,仲連埋兩隻迷你紫色膠匙,好搞鬼!
▲包裝以紫色雞蛋盒設計,好 fancy。
▲裡面有 4 隻朱古力蛋連兩隻膠匙。
撕開朱古力紙,就見到成隻蛋咁樣嘅牛奶朱古力,嘗試用膠匙敲開朱古力殻,不過太硬敲唔開,所以最後都係用手剝開頂部,用膠匙一舀到底都係夾著混雜著 Oreo 碎餅的慕絲,食落有粒粒咬口,慕絲帶呍呢嗱甜香,基本上同平時 Oreo 嗰層夾心一樣味道,不過曲奇同慕絲比例較少,加埋牛奶朱古力,食落偏甜,但如果你係 Oreo 迷,不妨一試呀!
▲用手剝開蛋殻,朱古力殻內滿載 Oreo 慕絲。
▲慕絲食落有陣呍呢嗱香,有粒粒 Oreo 曲奇的咬口,加埋牛奶朱古力殻,都幾甜膩,食一隻已經完全滿足哂想食甜品的慾望。
Egg 'n' Spoon Oreo
售價:2 英鎊 /盒
售賣點:Tesco、Sainsbury、Waitrose
文、相:winsome
//延伸閱讀//
↓【必收藏】最新深圳食買玩攻略!↓↓
↓ 大灣區一小時生活圈!最新打卡熱點/熱門美食等!↓
↓ 大灣區一小時生活圈!最新打卡熱點/熱門美食等!↓
↓全新旅遊主題登場↓
↓立即睇打卡熱點/地道隱世美食/必買手信等!↓
↓立即睇打卡熱點/地道隱世美食/必買手信等!↓