《蝙蝠俠》中的葛咸城(Gotham City),地球上到底位處何方?歷來電影版曾於紐約、芝加哥、洛杉磯等城市實地取景,來到最新一套《LEGO ® 蝙蝠俠英雄傳》,預告睇到人完全迷失;全部變晒 LEGO 喎,點認?
日前美國方面發布一條玩嘢宣傳片,由LEGO 版 Batman 公開自家豪宅環境,仲不忘炫富曬命!客廳大過酒店大堂、珍藏多過大英博物館、私家泳池養住兩條海豚,極盡浮誇之能事!其實 idea 係來自美國 MTV 電視台、由明星親自公開家居環境嘅經典真人騷《MTV Cribs》,LEGO 版 Batman 當然一貫佢嘅自負囂張但又好抵死嘅作風。繼續睇:
▲ LEGO 蝙蝠俠帶觀眾參觀佢嘅豪宅,只見呢個 LEGO 古堡座落於某個大城市外某座山頭,有條大橋駁住咁先上到去,好有氣勢!▲ 美國諧星 Will Arnett 為 Batman 配音(廣東語版係劉青雲),片中 Batman 對鏡頭暱稱粉絲做「bat fans」,好似 Justin Bieber 叫粉絲做「Beliebers」咁,好貼地啫。
▲ 炫富之旅開始,一入面口就係個 hall,放滿奇怪收藏~
▲ 唔好忘記 Batman 從未公開其真身就係富豪布斯韋恩(Bruce Wayne),間屋名義上亦係韋恩府第;節目入面 Batman 差啲「穿崩」,惟有訛稱 Bruce Wayne 係佢 roommate,間唔中又要飛出鏡頭外極速變裝,又懶搞笑一輪咁~
▲ 來到廚房,佢介紹「高端廚具齊全」,但拿起手冇一件廚具係識嘅。咪玩啦 batman 識煮飯?
真人變身 LEGO 生活即刻安樂晒?
名古屋 LEGOLAND Japan 聯乘遊戲超驚喜
▲ 私家泳池成個湖咁大,仲有對 LEGO 海豚陪伴暢泳!
▲ 上到水又變返 Bruce Wayne,執執個頭盔髮型先。
▲ 蝙蝠床好大張,Batman 風騷到要扮金絲雀!但佢自稱從來都唔瞓,因為忙於撲滅罪行喎。
▲ 神秘蝙蝠洞,本來話死都唔公開得……
▲ 葛咸城版嘅《宜室宜居》足本睇!
//延伸閱讀//
《美女與野獸》主題曲好聽過 Celine Dion 舊版?
大熱手機 Game《貓咪收集》 出改編真喵電影
《LEGO ® 蝙蝠俠英雄傳》The LEGO Batman Movie
香港上映日期:2017 年 2 月 9 日
↓透過發佈帖文賺取收入!立即參加!↓
↓立即睇打卡熱點/地道美食/住宿指南等!↓