早幾日(1 月 26 日)在印度第 68 屆共和國日(Republic Day)的閱兵儀式,show 軍備兼載歌載舞是常識吧!
不過最吸引的,是其中一項電單車表演。唔知印度政府係咪睇過星爺的《大內密探零零發》,copy 咗戲入面阿發嘅人肉「發發發發發機」,居然見到呢個絕技重現江湖,睇到眼到突埋。
呢 part 係單車雜耍,起初只有一個人騎上電單車上,之後加上長梯,後來再有幾個人疊人疊,玩層層疊。再後來,戲肉是電單車載咗 8 個人,左右兩邊,有兩個人躺平,之後頭頂及左右,總共 3 個人不停自轉,變成飛唔起的「人肉直昇機」,不斷係咁揈!揈!揈,隔住個 MON 睇都頭暈,更何況當事人,如此搏命,當然要送個 like 畀佢哋。
▲上、左及右,不斷揈揈揈,隔住個 MON 都見暈。
▲除咗呢個人肉「發發發發發機」,仲有個一柱擎天加仙女散花,都好有睇頭。
▲呢招好似在半空中飛緊,都好勁,好考腰力。
▲最後來個 show off,人接人企在電單車上,都唔講得笑。
↓【必收藏】最新深圳食買玩攻略!↓↓
↓ 大灣區一小時生活圈!最新打卡熱點/熱門美食等!↓
↓ 大灣區一小時生活圈!最新打卡熱點/熱門美食等!↓
↓全新旅遊主題集結!↓↓
↓立即睇打卡熱點/地道美食/住宿指南等!↓
↓立即睇打卡熱點/地道美食/住宿指南等!↓