(圖:The Adventures of Lil Nicki@facebook)
提到南美洲,大家開口埋口唔係天空之鏡就係馬丘比丘,不如睇多少少?與馬丘比丘同處秘魯庫斯科(Cusco, Peru)周邊的彩虹山,係唔少遠足旅行愛好者嘅 bucket list 必 check 一項,彩色砂礫岩天然絕景,歷史當然早過印加文明多多聲!
彩虹山至今仍未被廣大遊客群「剷平」,原因唔難明:
1. 長路漫漫!
大部分遊客會參加一天觀光團,由城市庫斯科出發,最激動係要凌晨兩三點左右 get ready,轉車再熬巴士,經歷 3 小時車程,先到達起步點 Quesiuno。中午時分係旅行團黃金時段,一般而言,晚上 7 時先回到市面解散,體力消耗唔嘢少。
2. 驚唔驚高反?
城市庫斯科位於海拔約 11,000 呎高(約 3,300 米),3 小時車程後的起步點 Quesiuno 已達 14,200 呎,目標彩虹山的標高更高至海拔 16,500 呎。路段以碎石斜路為主,不算極度難行,但一般人於海拔 6-8,000 呎已經可能出現高山反應,上到萬幾呎未必人人頂到,所以登山的速度控制、調節係關鍵,全靠導遊經驗……同埋隨團的氧氣筒保命。
點去?
由香港飛美國或歐洲,轉機前往秘魯首都利馬,再轉機前往庫斯科,於當地參加旅行團(一天或多天),一般包括膳食、導遊、來回旅館交通接送等服務。
▲ 彩虹山,彩色岩石層理分明,老外都叫 Rainbow Mountain,當地語言 Quechua 稱為 Vinicunca,解作「七色的山」。
▲ Day tour 起步點多數為村莊 Quesiuno,通常會在此先吃一頓基本早餐先再開始「苦行」。
//延伸閱讀//
全日本最早櫻 沖繩櫻花祭開催!
最佳觀「光」點!瑞典超豪裝樹屋!
▲ 路上不難見到大堆草泥馬(llamas)及羊駝(alpacas)自由放牧。
▲ 碎石斜路,路況不算極度難行,但對體力仍有一定需求。
▲ 由彩虹山可遠眺安第斯山脈秘魯境內的最高山峰奧桑加特山(Asungate)。
圖:Well Kang To World 浪跡旅攝@facebook
//延伸閱讀//
潛水睇藝術品 歐洲首間海底博物館
【#無牌遊冰島】巴士團 5 粒鐘追光全紀錄
跟 Janice 沙漠睇星星
↓ 大灣區一小時生活圈!最新打卡熱點/熱門美食等!↓
↓立即睇打卡熱點/地道美食/住宿指南等!↓