女人進入 Shopping mode 真係唔惹少,識趣嘅男人最好就係乖乖等待,雖然又漫長又痛苦,但你嘅付出,Honey 必定會好好報答你。
最近在 instagram 就見到一堆男人等女人 Shopping 時用自己方式打法時間嘅百態照片,睇落都幾搞笑,搵個靚位眠一眠、跟得阿四、陌生男人聚會、排排坐等運到又或者揼個靚骨。各式其色,你又屬於邊種呢?
1/排排坐等運到
男人 Shopping 有目的,重點出擊,買完即撇;而女人 Shopping 就是一種樂趣,漫無目的。有時見到有一排男人坐在店舖門口,兼一袋二袋,乍看誤以為是排隊買筍嘢又或是等買新型號電話,原來只係等另一半。
2/霸個靚位眠一眠
最好打發時間,當然係眠一眠,搵個舒服嘅靚位,隨時可以發個靚夢,但好似佢哋咁,瞓到掹大個口,咁忘我,又真係……
3/搵方法 kill time
唔想瞓到醜態百出,最好 kill time 方法,當然係玩電話,但有時玩得耐,都腰酸背痛,如果可以搵到有按摩椅提供嘅 Shopping Mall,揼番幾 part,時間好易過。
4/陌生男人聚會
等女人 Shopping 絕對唔會孤獨,周圍總有一班同道人,悶悶哋,吹吹水,當識下新朋友都唔錯喎。
5/另類親子活動
女人 Shopping 進入瘋狂 mode 時,真係六親不認,識做的男人,切勿打擾,最緊要係帶埋細路乖乖等待,與此同時又可以同小朋友一齊打下機傾吓偈。
6/化身 Model
除咗上述打發時間招數之外,更可以扮下百貨公司 Model,搞吓 gag,娛人娛己,又幾唔錯喎!
7/跟得阿四
最加分嘅老公 / 男朋友,當係做跟得阿四啦!拎手袋兼攞戰利品,盡得另一半歡心,以後日子會好過得多。不過,最緊要係,老婆 / 女友,問乜都好,最緊要答:「好靚呀!好襯你呀!」其實真心說話,小講為妙。
8/老公托管處
有些百貨公司,為咗令女人可以專心 Shopping,唔只有托兒中心,連托管老公中心都有,唔駛擔心老公無地方去。
圖:miserable_men@instagram
//延伸閱讀//
↓透過發佈帖文賺取收入!立即參加!↓
↓立即睇打卡熱點/地道美食/住宿指南等!↓