迪士尼經典動畫真人版電影《美女與野獸》(Beauty and the Beast),最終回預告日前在網上發布,最矚目嘅唔係套戲,又唔係「無死角美女」Emma Watson,而係首主題曲!
由西洋流行小天后 Ariana Grande 連同 R&B 男歌手 John Legend 合唱嘅《Beauty and the Beast》,於電影預告最後一分鐘入攝播出,雖然只係短短一段仔加幾句副歌,但同啲電影片段夾到暈,片中的燭台、茶煲、碗碟鬧鐘又跟晒 beat 咁聞歌起舞,好澎湃、好激昂~配合埋美女與野獸喺 ball room 大跳社交舞一段,又好浪漫!外媒如 ET Online、Rolling Stone 都大讚呢個版本,比得上 1991 年 Celine Dion 同 Peabo Bryson 合唱嘅經典版本。有說當年仲未成為國際級天后嘅 Celine Dion,就係憑此曲人氣更上一層樓,而佢喺新版電影嘅原聲專輯都會獻上一首全新歌曲《How Does a Moment Last Forever》,樂迷係咪好期待先!
▲ 完整版嘅《美女與野獸》最終回預告,除咗有新歌試聽,仲披露更多電影情節:Emma Watson 飾演嘅貝兒為拯救被野獸囚禁嘅父親,自願當人質交換;後來發現野獸同佢間屋都中咗魔咒(啲會行會走嘅砂煲罌罉原本係僕人),解咒方法係乜?即睇!
▲ 其實 1991 年電影中嘅版本,係由聲演茶煲太太嘅百老匯演員 Angela Lansbury 主唱!
▲ 後來 Celine Dion 同美國男歌手 Peabo Bryson 重新演繹成電影主題曲,仲攞埋金像獎、金球獎同格林美最佳原創歌曲添。新舊對照吓,聽聽邊個版本啱你心水?
//延伸閱讀//
↓【出Post賺現金賞】《社群》助您發展創作者事業↓↓
↓透過發佈帖文賺取收入!立即參加!↓
↓透過發佈帖文賺取收入!立即參加!↓
↓全新旅遊主題集結!↓↓
↓立即睇打卡熱點/地道美食/住宿指南等!↓
↓立即睇打卡熱點/地道美食/住宿指南等!↓