喵星人圍攻 結果變敗走

▲喵星人真係一種好可愛的動物，雖然佢哋有時鬼咁高竇，但佢哋八卦起上嚟都真係幾八得下。

就好似位於日本福井市呢間貓 Cafe 咁，裡面有成 22 個喵星服務員，咁收舖後就梗要打掃下，呢啲粗重嘢無理由叫班主子做，所以人類就放咗自動吸塵機喺地，點知班主子見到有嘢碌碌下，就鬼咁好奇咁跟住個吸塵機，跟咗一陣後，其中一位黑色主子終於忍唔住想伸手摸部吸塵機時，唔知點解嚇到飛彈，跟手成班主子亦嚇到飛起，超爆笑呀！

▲第一次見到呢部自動吸塵機，成班喵星人好似開心大發現咁一直死跟，但就無一個敢出手。

▲終於有一隻抵唔住好奇心出手，不過最後成班就嚇到雞飛狗走，勁好笑！

▲呢間貓 Cafe 有 22 隻喵 s，平日佢哋嘅任務係服待客人，點服待？咪畀佢哋摸、影下相、陪坐呀咁囉 XDDD

▲成堆喵星人圍住圈開餐，場面好壯觀！我好想坐喺中間呀！！！

▲真心覺得即使喵星人唔理人，但淨係睇佢哋玩同瞓已覺好療癒，大家去開福井，不妨去探吓佢哋。

猫カフェ 『 福ねこ 』

地址：〒910-0068　福井市舟橋新 1-321-1

電話：0776-65-0012

圖：猫カフェ  福ねこFB

//延伸閱讀//

貓奴必睇！DIY 貓の紙箱部屋！

最快時速 30mph 雪橇貓拖主人滑雪

↓↓↓【新登場！】全新U Lifestyle App ↓↓↓
免費下載 隨時隨地 睇盡最Hit旅遊及生活資訊！

即 like & follow U Travel Facebook / U Travel IG / 旅遊快搜 Facebook 專頁，緊貼世界各地最新旅遊情報！