時光~~~~~荏苒,幾多人細細個睇嘅迪士尼動畫《美女與野獸》(Beauty and the Beast),原來已經係 1991 年嘅作品!電影版開拍嘅消息係 3 年前開始流傳,到鐵定由「妙麗」Emma Watson 擔當女主角後,即刻迴響大爆發;去年年中,迪士尼於電視及網上公布首條先行預告片,頭 24 小時已經達到 9.18 億次點撃率,前所未有咁爆呀!
即睇香港特別版預告,有美女「貝兒 Belle」Emma、「野獸 Beast」Dan Stevens、「獵人 Gaston」Luke Evans 及飾演其手下 Le Fou 嘅 Josh Gad 同大家拜早年~
▲ Emma 呢個經典美女造型真係無敵,黃色巨型蛋糕傘裙轉住咁同野獸跳舞!唔郁都聽到「beauty and the beast~~」有聲架!▲ 野獸同貝兒喺大宅內談情~畫面係咪帶來好多回憶先~各位有返咁上下年紀嘅朋友~▲ 呢班鬧鐘茶煲燭台羽毛筆,動畫版勁搶戲,家陣變咗實物 CG 化都好得意呀。▲ 聽說靚靚 Emma 有份為劇本畀意見,佢話而家電影版嘅貝兒,係個熱愛發明嘅少女,而唔係乜都唔識、得個靚字嘅蠢女。好 girl power 呀!▲ Kevin Kline 飾演貝兒的爸爸。▲ Luke Evans 飾演獵人,好想追貝兒但不得要領,然後轉移目標,務求生擒野獸~
▲ 話說 Emma 為咗接拍《美女》,仲推咗今年橫掃 7 項金球獎、同 14 項金像獎提名嘅《星聲夢裡人》(La La Land),犧牲都好大吓!▲ 好靚呀張美國版海報!
香港上映日期: 3 月 16 日
圖:Disney
↓【送機票✈️】分享旅行靚相 贏免費機票↓↓
↓ 請您免費飛轉日/韓/泰!↓
↓ 請您免費飛轉日/韓/泰!↓
↓全新旅遊主題登場↓
↓立即睇打卡熱點/地道隱世美食/必買手信等!↓
↓立即睇打卡熱點/地道隱世美食/必買手信等!↓