貓奴界無人不曉(應該係)嘅手機遊戲《ねこあつめ(中譯:貓咪收集)》,原來推出以來已經 3 年,遊戲至今已累積 1,900 萬下載紀錄!遊戲計畫今年重新喚醒一班貓奴玩家,推出日本首部手遊改編電影《ねこあつめの家(中譯:貓咪收集之家)》,全真人、真喵演出,4 月 8 日在日本上映!
電影公司在一月中釋出官方預告片:
故事係講:伊藤淳史飾演嘅小說家陷入創作低潮,希望搬屋幫助寫作,後來搵到一間有庭院的屋,貓浪浪竟然一隻接一隻登堂入屋,令佢陷入貓咪收集之中!
介紹返手機遊戲《貓咪收集》先:
▲遊戲玩法是在家中放置貓糧、罐罐、貓玩具等,吸引浪浪到訪,影底佢哋萌樣集郵,成功令一眾現役貓奴、愛貓人享受養貓樂!(圖:hanapy8@ig)
▲遊戲周邊玩具、實體化貓玩具、貓家具都大受歡迎!(圖:tomomeko@ig)
// 延伸閱讀 //
對一眾貓奴、尤其是玩開《貓咪收集》遊戲嘅貓奴嚟講,最關心嘅當然唔係劇情,而係真喵演員!究竟一眾真喵演員會唔會玩返遊戲中出現過嘅玩具?有冇機會見到遊戲入面出現過嘅得意貓咪?
而家就公開幾隻貓明星資料先:
▲右邊喵主角係蘇格蘭摺耳貓仔「Cinnamon」,經常出現於日本各大廣告中,絕對係日本貓巨星!
▲呢隻似唔似遊戲中嘅大食貓?雖然唔係白色,但腩肉有得fight!(圖:itm_nlab@twitter)
▲大家最期待見到邊隻遊戲中嘅貓?忍者貓、海盜貓應該冇機會出現吧。(圖:crank_in_net@twitter)
戲中仲有黑貓女「蘋果」、三色貓女「Drop」、蘇格蘭摺耳貓女「柚子」等等,一眾喵巨星仲會率先在 2 月推出電影寫真集《もふあつめ》,由日本知名貓咪攝影師五十嵐健太操刀(曾經推出過大賣相集《飛び猫》、《萌猫》等),Fans 忍唔忍到?
雖然唔知香港有冇機會上,但老老豆豆我忍唔住又裝返隻 Game 啦,慢慢儲魚先,話唔定新戲上影隻 Game 都會有特別 update?
Google Play Japan 曾經在 2015 年做真喵版直播,呢個係重溫版,Fans 一定忘不了:
電影官方網站:http://nekoatsume-movie.com/
相:電影官方網站及 facebook 專頁
// 延伸閱讀 //
春日要 fresh 啲! Tokyo Banana 推限定新口味
↓透過發佈帖文賺取收入!立即參加!↓
↓立即睇打卡熱點/地道美食/住宿指南等!↓