2017.01.25
家陣歐洲冰天雪地，以為當地人冇乜事幹情願留在家中燒柴取暖？錯晒！各位觀眾：古有愛斯基摩人鑽冰洞釣魚，今有芬蘭人劈冰湖自製「人肉輪盤」！
最近網上熱傳一段強片，至今已有超過 500 萬點擊率，只見一個一望無際的冰湖上，零零舍舍有塊巨型圓形浮冰不停自轉，片中有三五知己、大人細路喺上面圍住營火開 P，也太過癮、太寫意了吧！
原來係作家 / 能源學家 Janne Käpylehto 的傑作！佢喺芬蘭南部 Lake Lohja 用電鋸、雪剷，鋸出一個直徑 40 呎嘅正圓浮冰。再在浮冰下裝一個太陽能快艇摩打，「紅館式四面台」就咁完成。不過都唔好以為好容易，由於天氣太凍，鋸完個台隔夜就結冰，Janne 需要出動兩次電鋸先成功。
其實 ice carousel 唔係咩創新玩法，北歐寒冬戶外運動都有人咁玩，不過作為能源學家 Janne Käpylehto 提倡起用自然能源，多個 selling point，咁就跑出！
約埋親朋好友在四面台上吹水、BBQ，你睇佢燒腸腸燒得幾高興。
Janne 仲貼心地裝咗個防風帳篷，凍凍哋咪企入去遮吓風囉。
太陽能快艇都好高速吓，定眼望住台邊小心見暈。
Janne Käpylehto 本尊於片段中講解創作意念。最新 update，佢現已製成第三個、亦相信係全球最大嘅冰上氹氹轉（ice carousel）－－寫住「相信」先，因為連健力士都冇紀錄－－位於首都赫爾辛基（Helsinki）近郊湖泊 Humaljärvi。
航拍 top shot 呢個最新嘅冰上氹氹轉，真係靚到暈！位於赫爾辛基的最大型 ice carousel，直徑 36 米、30 厘米厚，圓形冰台估計重達 400 噸。由當地酒店 Wohlsgard 贊助，並於本周日起開放畀觀眾參觀。
↓《社群》「個人地圖」功能登場↓
去到邊 Share到邊～立即記錄您的生活足跡！![]()
去到邊 Share到邊～立即記錄您的生活足跡！
↓【免費送】Camp Kingdom一站式2日1夜車頂營體驗🚙！↓
↓經典日產四驅車／夏天配有獨立冷氣／設置好車頂營連車邊天幕↓![]()
↓經典日產四驅車／夏天配有獨立冷氣／設置好車頂營連車邊天幕↓
utravel
發表回應