去日本 shopping,特別係買藥粧零食時,都好想知多啲資料,但唔識日文點算好?真係 Google 都無呢個 App 咁貼心呀!
呢個 app 對好似我呢啲唔識日文但又鍾意買日本嘢嘅人嚟講,簡直係勁開心的消息,事關呢個名為 Payke 的 app ,只要掃一掃商品的 code ,就可以知道物品的簡介,重點係有中文解釋,以後買嘢唔使估估吓,方便到爆!
講到咁勁當然要實試,所以我哋今次就去咗 759 試吓到底呢個 app 有幾犀利?的確,大部份日本出產的物品都 check 到,無論係薯片、飲品、洗頭水,甚至係貓零食、pancake 模同煲都得,而且有啲更快至 1 秒已經 search 到,真係超勁!
使用方法,只要下載 Payke 後選擇自己的地區,就會自動幫你揀語言,set 好後,只要按「條形碼掃描」,然後掃描物品上的 barcode 就 OK,簡單易用。
雖然大部份的日本物品都查到,不過佢的翻譯就有啲難明,例如碗麵會變成茶杯,而後尾的「拉麵第n」就完全理解唔到。
商品簡介方面,其實沒有特定項目,而簡介的文字似網上翻譯的感覺,都係要估估吓先知,希望呢個 app 日後會不斷進步吧。
個 app 係好用,不過都只限已登記的物品,試過掃韓物或香港出品的物品都唔得,至於日本護膚品方面,基本上都可以睇到簡介。
攝:Pow、Ricky
//延伸閱讀//
↓【出Post賺現金賞】《社群》助您發展創作者事業↓↓
↓透過發佈帖文賺取收入!立即參加!↓
↓透過發佈帖文賺取收入!立即參加!↓
↓全新旅遊主題集結!↓↓
↓立即睇打卡熱點/地道美食/住宿指南等!↓
↓立即睇打卡熱點/地道美食/住宿指南等!↓