喺海底「行」藝術館,應該會有另一番感受。早在 2009 年開始,英國藝術家 Jason deCaires Taylor 已經試過喺巴哈馬、墨西哥同安的列斯群島設「海底雕塑館」,仲吸引唔少潛水友捧場。
今次 Taylor 於西班牙外島 Lanzarote 設立永久博物館 Museo Atlantico(大西洋博物館),用作品表達全球面對嘅迫切問題,順便為環保出一分力。
Museo Atlantico 位於西班牙外島 Lanzarote 對出海岸水深 14 米嘅海底, 幾十座雕塑展覽品靈感大部分來自當地城市、平民,Taylor 也請當地居民做 model,重現他們日常的生活模式。
每件作品背後都有個故事,關於全球暖化、環保、難民議題,唔止玩 gimmick 咁簡單。館中有 2 件不得不提嘅雕塑︰「The Rubicon」 同「The Raft of Lampedusa」。「The Rubicon」以 35 座人形雕塑走向同一道大門,有啲低頭 loop 手機、有啲閉上雙眼,象徵着人類正走向一條不歸路,諷刺大家對全球暖化問題視而不見;另一件是「The Raft of Lampedusa」描述 Lampedusa 嘅難民悲劇,希望國際社會正視人道主義問題。
喺海底設博物館同時係想為環保出一分力,皆因雕塑會隨着時間而慢慢變成珊瑚礁,成為海洋生態平台,吸引更多海洋動植物聚集,最終作品會與海洋生態融為一體。部份博物館嘅收益仲會捐去當地環保機構。
Jason 話,作品希望提醒大家應該要有更大的包容力及承擔,保護地球。雖然博物館已在上年開幕,但全數 300 件展品要去到今年中先裝置完成,今年計劃去西班牙嘅朋友,可以去睇睇。
要去呢個海底博物館,首先你要有潛水牌。但如果冇,都唔緊要,可以坐海底觀光船,但就不能近距離感受作品。
Museo Atlantico 大西洋博物館
地址:Puerto Marina Rubicón, Calle el Berrugo, 2, 35580 Playa Blanca, Las Palmas, 西班牙
開放時間:10am - 4pm
電話:+34 901 20 03 00
//延伸閱讀//
↓【出Post賺現金賞】《社群》助您發展創作者事業↓↓
↓透過發佈帖文賺取收入!立即參加!↓
↓透過發佈帖文賺取收入!立即參加!↓
↓【必收藏】最新深圳食買玩攻略!↓↓
↓ 大灣區一小時生活圈!最新打卡熱點/熱門美食等!↓
↓ 大灣區一小時生活圈!最新打卡熱點/熱門美食等!↓