去旅行最驚就係撞口撞臉都係香港人,仲要排晒隊,影響旅行的心情!以下 2 間食店唔只價錢超值,份量又多,係當地人先知的必去食點,除咗有北海道必食的毛蟹,仲有任食北海道蠔,海鮮迷起行啦!
唔收服務費
$488 7 道菜蟹宴
在札幌要食蟹,又要平,上網一堆人都在推介「蟹將軍」或是「螃蟹本家」,咩食評都出現過,唔係話呢兩間的蟹唔好味,甚至更有 500 港元食到 9 道菜的蟹宴,但以香港人食客居多。
今次推介的「蟹吉」就係札幌打工仔平食蟹料理之選!連老闆都話:「我們 9 成以上的客人都係本地人,毛蟹的來源都在北海道產地,不同月份來源亦不同,12 月至 2 月都在北海道日高海域取貨最佳,為了價錢更低,我哋連服務費都唔收呢!」7 道菜只需 7,400 日圓,計落都係約 488 港元,有整隻濱茹毛蟹、松葉蟹腳火鍋、帝王蟹腳刺身等,絕不因為價錢平就慳料!
7,400 日圓蟹宴有 7 道菜,當中全隻濱茹毛蟹肉多鮮甜又易剝,食一隻感覺已回本!
蟹宴中蟹腳火鍋最後會加蛋成為炊粥,真的大滿足!
老闆在另一家著名的蟹料理雪華亭餐廳工作過 10 年,後自立門戶與妻子開設「蟹吉」,已開業 5 年半。
蟹吉
地址:札幌市中央区大通西 9 丁目 1 番地 1 キタコー大通公園ビル B1F
營業時間:11:30am - 2:30pm、5pm - 11pm,逢星期日休息
電話:+81(0)11 206 4522
交通:JR大通站下車1號出口,步行約 5 分鐘
蠔!全部都係蠔
$132 90 分鐘蠔放題
想像唔到!真係 2 千日元,只係約 132 港元就可享用 90 分鐘不停食到生蠔、燒蠔、蒸蠔同蠔火鍋!
「北の笑美食」又是一間只有札幌人才知道的地道居酒屋,晚餐後的時段,來這裡喝酒叫小食的人十分多,建議大家黃昏或晚飯時段就好來到。大家坐定定,放題開始後會有生蠔、燒蠔、蒸蠔及蠔火鍋放在桌上,每桌都只會有各式煮蠔一碟,每次只要一食完,侍應就會自動換上新一碟,完全不用提點!90 分鐘內真係想食幾多都得!蠔的來源更全都是北海道有名的蠔產地「厚岸灣」所產,充滿鮮甜濃郁的蠔味!加上不停送上生蠔的進餐節奏,食蠔原來可以食得咁豪爽!
居酒屋少不免要喝酒,超過 15 款清酒、啤酒,只要另加約 1 千日元便可放題任飲!
厚岸蠔以質素分成的三級品質,以 Kakiemon 為最頂級,在蠔放題之中,餐廳確保每碟都會有最頂級的生蠔,正呀!
叫蠔放題的客人,必需點一客約 450 日元起的小食,這碟一夜乾的燒花鰓魚,超香!佐酒最啱!
北海道地道小吃拉麵沙律,十分開胃!
北の笑美食
地址:北海道札幌市中央区南 1 条西 5 日章ビル B1
營業時間:星期一至日,4pm - 12am
電話:+81(0)50 5799 1229
交通:JR大通站下車1號出口,步行約 1 分鐘
文:kika 相:kee yau
//延伸閱讀//
↓【出Post賺現金賞】《社群》助您發展創作者事業↓↓
↓透過發佈帖文賺取收入!立即參加!↓
↓透過發佈帖文賺取收入!立即參加!↓
↓全新旅遊主題集結!↓↓
↓立即睇打卡熱點/地道美食/住宿指南等!↓
↓立即睇打卡熱點/地道美食/住宿指南等!↓