2017.01.20
唔係極光、唔係 UFO、更加唔係鏡頭污糟，係罕見嘅天文現象！
今個冬天，彷彿大半個北半球都面臨冰河世紀，氣溫創新低又大雪又盛，此時加拿大有網民在半空發現「光柱」（light pillars）奇景，原來一啲都唔出奇，係你哋啲南方人未見過世面而已～
話說居於加拿大安大略省北部嘅 Timmy Joe Elzinga，於 1 月 6 日凌晨被佢個仔嘈醒，半夢半醒間發現窗外半空離奇出現數十條七彩光柱，由雲層延伸到地面，同時或明或暗地閃動。
「我係嚇親！即刻叫醒我太太，行埋出屋外面睇吓發生咩事。」Timmy Joe 在回覆 U Travel 的電郵如是說。「起初以為係北極光，但睇真啲，發現啲光柱應該係來自地面。」同好多人一樣，Timmy 馬上將疑問訴諸 wikipedia，始發現呢個天文視覺現象名為「light pillars」：
低溫下，空氣中的水蒸氣凝結成小冰粒，呢啲冰粒通常呈扁平六角形、水平地停留空中，當地面光綫穿越空氣、同時穿透空中的冰粒時，就會呈現出「光柱」現象。
現象多數見於高緯度地區，而當果冰粒愈大，光柱效果就會愈明顯，而且光柱不止於夜空出現，日間太陽光的折射亦會出現「太陽柱」效果。又長知識了！
Timmy Joe 在其 YouTube channel 講述成個「觀柱」經驗：
Timmy Joe 於凌晨 1:30am 喺廁所驚見光柱現象，即時用機慢快門（約 8 秒）拍下。
正常快門下，可見光柱效果非常明顯。
Timmy Joe 家門外燈火通明，仍見遠處光柱折射。
Timmy Joe 就係畀佢個兩歲仔嘈醒先見到漫天 light pillars。
【U Lifestyle App新年添新器】第一擊！
↓↓送Dyson三合一風扇暖風空氣清新機↓↓![]()
↓↓送Dyson三合一風扇暖風空氣清新機↓↓
U Lifestyle自家節目登錄《TV專區》！
↓↓試玩、試食、試用影片任您睇↓↓![]()
↓↓試玩、試食、試用影片任您睇↓↓
utravel
發表回應