【#瘋台灣】即使大家唔係健行者都唔洗擔心,原來花蓮唔少靚景只需坐車到附近,再步行一小段路就能直擊到震懾眼球嘅絕景!
【第 1 站】 #花蓮小錐麓古道
花蓮太魯閣嘅錐麓古道雖然非常出名,不過一行就要 7 個鐘,步道唔夠 1 米闊,仲要離地 500 米,少啲心血都唔好去行。想輕鬆欣賞斷崖地形,可以去上年年尾新開嘅「小錐麓古道」。
個名雖然相近,難度就差好遠!小錐麓古道全長只有 650 米,慢慢行都只需 20 分鐘。好玩之處係呢度有條用繩索建嘅探索吊橋,只有 1 隻腳闊,行走時會有啲搖晃,好玩又安全!
如果唔敢行嘅,可選旁邊嘅普通吊橋,由呢邊影過去繩索吊橋任何角度都遷就到,簡單就成功拍到行走於叢林之間嘅原始感覺!
//延伸閱讀//
喺暗黑嘅砂卡礑隧道走約 200 米,轉左就到達古道入口。到吊橋前,大家都要花少少腳骨力,走約 10 分鐘樓梯。
紅色砂卡礑橋旁就是清澈的砂卡礑溪,亦係必到影相位。
小錐麓古道
地址:972 台灣花蓮縣秀林鄉砂卡礑隧道
交通︰租車 - 由花蓮市出發到太魯閣遊客中心,車程約 35 分鐘
前往方法: 由附近的砂卡礑步道旁的紅色砂卡礑橋步行約 10 分鐘即達,或是由太魯閣遊客中心旁約 100 米的砂卡礑隧道進入,再走約 200 米即達,步程約 10 分鐘。
【第 2 站】 #白楊步道
去花蓮睇景必去太魯閣國家公園,但入面單單步道都有 32 條!如果你得 1 日,只可選擇行 1 條步道,我會推薦你行白。楊。步。道!
事實唔只我咁講,連英國嘅《 Virgin Travel Insurance Magazine 》都評選它為全世界必訪景點之一。全長約 2.1 公里的步道,慢慢行來回只約 2 小時。
途中會經過 8 座隧道,而最後一條先係真正嘅秘密絕景 — 被稱為「水濂洞」嘅隧道。入去前,所有人都要穿雨衣同拖鞋,因為泉水從隧道頂端傾洩而下,耳中只有轟隆水聲。
兩條瀑布同時溢下,古代山水畫嘅構圖原來唔係單憑想象。
白楊步道
地址:花蓮縣秀林鄉天祥白楊步道
電話:+886 (0)3 8691162 天祥管理站
交通: 花蓮火車站搭乘花蓮客運花蓮天祥 1133 路綫或花蓮洛韶 1126 路綫或花蓮梨山 1141 路綫,於
天祥站下車,步行至替代道路天祥入口即可到達租車,由花蓮市出發到白楊步道車程約 1 小時
【第 3 站】 #花蓮石門山
成日喺 Instagram 見到一啲人仔細細粒、站喺山邊一角嘅構圖,背景巍峨高山雲海,型到想狂畀心心!原來靚景唔一定要去美國、澳洲嘅國家公園,呢度都有個「台版新西蘭」。
坐車上合歡山群峰之一石門山,落車行入步道,唔洗 5 分鐘就輕易影到如翻版新西蘭嘅呃 Like 絕景!
事實上╴登上海拔 3,237 米嘅石門山山頂,全程只需 750 米,慢走都只需約半個鐘,加上山勢平坦開闊,上斜亦完全無喘氣,走在路上不時見到遊客扶老攜幼,所以被台灣人稱為「最平易近人」的百岳!
石門山
位置:台十四甲公路 34.3 公里處
交通:建議租車由花蓮市出發,車程約 3 小時
圖:U Magazine
↓【必收藏】最新深圳食買玩攻略!↓↓
↓ 大灣區一小時生活圈!最新打卡熱點/熱門美食等!↓
↓ 大灣區一小時生活圈!最新打卡熱點/熱門美食等!↓
↓全新旅遊主題登場↓
↓立即睇打卡熱點/地道隱世美食/必買手信等!↓
↓立即睇打卡熱點/地道隱世美食/必買手信等!↓