【#絕景打卡】要睇雪最近未必係日本,去台灣都有得睇,而幾日前,台灣的合歡山同玉山就落起今年的初雪,白濛濛的雪山加上一大片雲海,真係猶如置身仙境一樣。
落完雪後的玉山,有雪又有雲海,哇!靚!到!癲!
想睇?機會嚟喇!事關由今日開始至下星期二(24日)寒流襲台,台北可能跌到只剩 10 度,合歡山及玉山溫度更低至 -4 及 -7 度,又係上山睇雪嘅好時機。
//延伸閱讀//
落完初雪後的合歡山。
玉山國家公園
地址:台灣南投縣水里鄉 55344 中山路一段 515 號
合歡山
位置:台灣南投縣仁愛鄉 546 號
台灣睇雪你要知!
好多人得知台灣有雪落就好興奮想衝去睇雪玩雪,不過玩還玩,由於台灣落雪的地方都係高海拔地方,所以並唔係大家想像中話去就去咁簡單,以下就精簡咗幾項上山前要注意的事項。
1:保暖防跣
落得雪都必定 0 度或以下,記得要着夠衫保暖以防失溫,最好亦配返對防水防滑嘅鞋就 perfect!
2:留意高山症
留意身體狀況,因為玉山海拔接近 4,000 米、合歡山的武嶺亦超過 3,000 米,有機會會引發高山症,如高山症症狀有呼吸困難、頭暈、頭痛、疲勞或嘔吐等,若有任何不適千祈唔好死頂,要盡快落山睇醫生,記住,唔好搵命搏。
3:雪盲
由於山上的紫外綫及積雪折射反光強勁,為免雪盲(暫時性失明),最好帶定副黑超上山。
4:自駕小心
自駕人士,車輛必需要安裝雪鏈,而由於冰路濕滑,需慢速行駛,並盡量避免於夜間或清晨時間行駛山區路段。
5:交通管制
注意道路狀況,因為雪季(由即日起至 2月 28 日)時,往山上的交通都會實施疏導管制。
6:許可證
有啲山區如玉山,上山前都要申請許可證,故登山前先確認清楚以免白行一趟。
7:公德心
老套都要提大家,大自然屬於大家的,記得自己垃圾自己帶走。
圖片提供:陳棋楠(合歡山)、林裕盛(玉山)
↓【送機票✈️】分享旅行靚相 贏免費機票↓↓
↓ 請您免費飛轉日/韓/泰!↓
↓ 請您免費飛轉日/韓/泰!↓
↓全新旅遊主題集結!↓↓
↓立即睇打卡熱點/地道美食/住宿指南等!↓
↓立即睇打卡熱點/地道美食/住宿指南等!↓