《權力遊戲》(Game of Thrones)最精彩除咗男人之間的鬥爭、和男女之間的愛恨情仇,其實劇中的景色都非常吸引,劇中幾個主要場景都是在巴塞隆拿以北的泰羅尼亞拍攝,環境靚到一個點之餘,古舊的建築又配合到劇中的頹廢感,而今次兩位型男就在劇中出現過的場景以大提琴來場男人之間的battle。
其實這並非坊間首次出現《權力遊戲》主題曲的弦樂重繹,上次是三男一女在室內以大提琴加上鼓,奏出強勁氣勢的樂曲,今次仲勁換來兩個型男在 outdoor 以大提琴來一場 battle。但當然唔係兩個人鬥來鬥去咁 dry 啦!當中更會影吓劇中實景、克羅地亞沿海古城 Dubrovnik,頭幾季與幾個地方夾雜出現,來營造原著所描述的奇幻感,今次正在 MV 俯瞰整個地方,感覺好似睇緊 N 年前《寰宇風情》,雖然五分幾鐘有啲長,但睇靚景都夠!
兩個型男互相 battle《權力遊戲》主題曲,有睇過的粉絲必定有共鳴!
鏡頭俯瞰克羅地亞的 Dubrovnik,海岸線超靚,加上瓦磚屋和白色小屋,好有度假 feel,與劇中所見的頹廢感好大對比,有機會一定要去。
拋拋書包先:Dubrovnik 位於克羅地亞南部,十四世紀前曾經被不同強國統治過,好似十字軍東征後一度成為威尼斯屬地,後來成立共和國,在 十五、十六世紀時國力超勁,可與威尼斯匹敵。Dubrovnik 背靠亞得里亞海,十四世紀的古城牆建築是最具代表性的風景,加上《權力遊戲》後,有更多遊客專程到此一遊,打個卡。
影片來源:2 cellos
//延伸閱讀//
↓【必收藏】最新深圳食買玩攻略!↓↓
↓ 大灣區一小時生活圈!最新打卡熱點/熱門美食等!↓
↓ 大灣區一小時生活圈!最新打卡熱點/熱門美食等!↓
↓全新旅遊主題集結!↓↓
↓立即睇打卡熱點/地道美食/住宿指南等!↓
↓立即睇打卡熱點/地道美食/住宿指南等!↓