2017.01.19
曾經有位環保藝術家，用回收廢物成藝術品，被人遺棄的垃圾得到第二生命，例如在香港維園以 7,000 個膠樽砌成超靚月圓效果的裝置藝術；今次攝影師 Benjamin Von Wong，將一萬個回收的膠樽，砌成一個海洋，再襯托垂死的美人魚，真係美麗得殘酷。
點解要用 1 萬個膠樽？原來係有數得計。據統計美國人每年大概會使用 167 塑膠樽，以一個人平均壽命 60 歲來計（估計得太鬆手），一生人會用上大概 1 萬個膠樽，而一個塑膠樽用 450 年時間先可以完全分解，粗略估計，到 2050 年，膠樽會比海洋生物仲要多！因此攝影師 Benjamin Von Wong 便諗到用膠樽砌成海洋，襯托垂死的美人魚為主題的「Mermaids Hate Plastic」的作品，希望因此，令大家意識到環保的迫切及重要性。而且仲有後續，大家可以到 change.org 承諾，會重複便用膠樽，為環保出一份力！
攝影師親力親為，將膠樽的顏色及大小分類。
Top shot 影落去，觀感何其壯觀，但諗到一個膠樽要 450 年先能夠完全被分解，反而有點心寒。
圖及影片來源: change.org 及 von wong blog
//延伸閱讀//
↓《社群》「個人地圖」功能登場↓
去到邊 Share到邊～立即記錄您的生活足跡！![]()
去到邊 Share到邊～立即記錄您的生活足跡！
↓【限時搶連環賞】Cetaphil舒特膚透亮抗敏系列！↓↓
↓ 照顧哂您成個護膚程序！打造亮白光感肌！ ↓![]()
↓ 照顧哂您成個護膚程序！打造亮白光感肌！ ↓
utravel相關活動
發表回應