曾經有位環保藝術家,用回收廢物成藝術品,被人遺棄的垃圾得到第二生命,例如在香港維園以 7,000 個膠樽砌成超靚月圓效果的裝置藝術;今次攝影師 Benjamin Von Wong,將一萬個回收的膠樽,砌成一個海洋,再襯托垂死的美人魚,真係美麗得殘酷。
點解要用 1 萬個膠樽?原來係有數得計。據統計美國人每年大概會使用 167 塑膠樽,以一個人平均壽命 60 歲來計(估計得太鬆手),一生人會用上大概 1 萬個膠樽,而一個塑膠樽用 450 年時間先可以完全分解,粗略估計,到 2050 年,膠樽會比海洋生物仲要多!因此攝影師 Benjamin Von Wong 便諗到用膠樽砌成海洋,襯托垂死的美人魚為主題的「Mermaids Hate Plastic」的作品,希望因此,令大家意識到環保的迫切及重要性。而且仲有後續,大家可以到 change.org 承諾,會重複便用膠樽,為環保出一份力!
Benjamin Von Wong 作品,睇落好靚好唯美,但睇真啲其實好可悲,試諗一條美人魚,被膠樽包圍,生不如死,睇完之後都要承諾少用膠樽呀。
攝影師親力親為,將膠樽的顏色及大小分類。
Top shot 影落去,觀感何其壯觀,但諗到一個膠樽要 450 年先能夠完全被分解,反而有點心寒。
圖及影片來源: change.org 及 von wong blog
//延伸閱讀//
↓【必收藏】最新深圳食買玩攻略!↓↓
↓ 大灣區一小時生活圈!最新打卡熱點/熱門美食等!↓
↓ 大灣區一小時生活圈!最新打卡熱點/熱門美食等!↓
↓全新旅遊主題登場↓
↓立即睇打卡熱點/地道隱世美食/必買手信等!↓
↓立即睇打卡熱點/地道隱世美食/必買手信等!↓