今次推介畀大家的放題餐廳,包羅魚生、燒肉、壽司、甜品 etc,一次滿足所有旅人,絕對要 bookmark!
#01 140 款任飲任食居酒屋 九右衛門
堪稱池袋 CP 值最高的居酒屋「九右衛門池袋東口店」,只需由池袋站步行約 3 分鐘即達。店家約有 180 個座位,提供 2,000 日圓就可以任飲任食,酒類選擇有 Cocktail、威士忌、燒酎等,所有飲品多達 70 款,美食亦有 70 款可以任食!
冷盤包括三文魚等各式刺身、枝豆、沙律等,配日本酒最適合,另外必食「豪快!鶏の一枚揚げ」炸雞料理,仲有肉量驚人的鐵板豚肉鍋!
九右衛門池袋東口店
地址:東京都豊島區東池袋 1 - 4 - 2 三経 33 ビル 6/F
電話:+81(0)50 5868 2673
營業時間:星期一至四、日 5pm-12mn,星期五、星期六及日本假期前夕,5pm - 5am
價錢:2,000 日圓
交通:JR 池袋站,步行約 3 分鐘
#02 平到無朋友 たいこ茶屋(Taikochaya)
位於淺草的たいこ茶屋(Taikochaya),以震撼價 1,000 日圓推出魚生任食放題,連當地搵食網「食べログ」,都畀 3.5 星評級(5 星滿分),搞到曾經在 IG 瘋狂清版。呢個午市 1,000 日圓魚生放題,已經開始咗一段時間,供應時間為早上 11點半到下午 2 時,每人限時 50 分鐘,是近期靚太們及上班族的最愛。每朝早 10:30 開始派籌,日日都大排長龍,唔夠十分鐘就派完,想食就要趁早排隊。
唔好以為平嘢,質素一定差,睇返食評留言,有讚無彈,話魚生夠新鮮,而且款式又多,好似金槍魚、鰤魚、三文魚及鰹魚等,仲會追加當日新鮮海產,聽落已經流晒口水,如果覺得齋食魚生好 dry,呢個魚生放題餐,仲附送沙律、玉子、味噌湯及飲品,計落 1,000 日圓 + 200 日圓(稅及服務費),兌返港紙都只係 82 蚊,真心抵!
大大盆魚生任食唔嬲,而且仲有成座咁高的䓤吞拿魚蓉,送飯一流。(圖: kyana__co @IG)
除咗主角魚生外,仲有好多配菜可以選擇,但千祈唔好大嘥鬼。如果食淨太多,會收番 500 日圓。(圖: takuya1914 @IG)
每日 10 點半門口已經出現人龍。
(圖: hikarururu163 @IG)
たいこ茶屋 (Taikochaya)
地址:東京都 中央区 日本橋馬喰町 2-3-2 セントピアビル B1F
電話:+81 (0)3 3639 8670 (+81 (0)3 3639 8670)
營業時間:11:30am-2pm 及 5pm-11pm
圖:tabelog.com
#03 唔使 1,000 yen 燒肉放題午餐 ひゃくてん
「ひゃくてん」推出平日只需 990 日圓(周末及日本假日 1,080 日圓),就可食到 8 種燒肉及內臟放題,包括五花腩肉、上州豚豬心肉、豬肝、雞髀肉等,仲有小碟前菜、湯及白飯任裝,而且不限時!如果加錢至 1,680 日圓(周末及日本假日 1,780 日圓),可以任食埋燒牛肉!
不過位置並非在旅遊區,需到小田急電鐵小田原線的「豪德寺站」,不過與下北澤站只相隔 3 站,也不妨計畫一日遊。
豪德寺 ひゃくてん
地址:東京都世田谷區豪徳寺 1 - 41 - 5
電話:+81(0)50-5571-9343
營業時間:午餐星期一至五 11:30am - 2:30pm,星期六、日及假日 11:30am - 3pm;晚餐星期一至四 6 - 10:30pm、星期五 6-11pm
價錢:990 日圓(周末及日本假日 1,080 日圓)起
交通:小田急電鐵豪德寺站,步行約 3 分鐘
#04 食 Lunch 最抵!136 蚊歎和牛燒肉放題
焼肉 肉の街
地址:東京都台東區上野 6-13-8 上野ソシアルビル3F
電話︰+81-3-3835-0968
營業時間:午餐 11am-4:30pm、晚餐 3pm-5am
交通方式:JR 上野站步行約 1 分鐘
#05 24 小時壽司放題 きづなすし(絆魚壽司)
相比 たいこ 茶屋的 1,000 日圓放題,全日本有 4 間分店的きづなすし(絆魚壽司),價錢稍為高咗小小,男性要 4,298日元(連稅),女性要 3,758 日圓(連稅)的兩小時放題,質素長期保持高水平,在「食べログ」有成 3.5 的高分數。海產夠新鮮不在話下,款式選擇多達 100 款,每款食一件都足以飽到你裂開,而且全部用平板電腦落單,放便簡單又唔駛同人爭餐死,食得舒舒服服,最重要係 24 小時營業,血拼完之後,返酒店抖一抖,先慢慢作戰。溫馨提示:要食一定要去新宿歌舞伎町及西新宿的分店最出名,在「食べログ」有成 3.5 的高分數。
日本吃貨推介,首先是必定要食拖羅,中價拖羅每件都要三百幾日圓,食多幾件已經翻本。
有成 100 款壽司及熟食選擇,揀啱心水先好食,唔好嘥 quota。(圖: 成行光司@twitter)
(圖: クロネコ @twitter)
きづなすし(絆魚壽司)
地址:東京都新宿區歌舞伎町1-18-8 第一MONAMI大厦 1 樓及地庫
電話:+81 (0)3 5287 1081
營業時間: 24小時、全年無休
放題時段:星期一至五 1pm–10pm,星期六、日及公眾假期 11am–10pm
價錢:男 4,298日圓(連稅),女 3,758日圓(連稅)
圖:tabelog.com
#06 食出鮮味 鮨まぐろや(鮪屋)
唔係話前兩間的海產唔新鮮,但相比鮨まぐろや(鮪屋)佔盡地利優勢,在築地市場附近,真係推架車仔就攞到新鮮海產,係咪真係可以食出鮮味先?!回正題,好多香港人去築地,朝早排隊,可能到中午先有得食,有點兒浪費時間。但鮨まぐろや(鮪屋)安排得好好,朝早 8:30 開始派籌,留低資料後,有位再 call back 你,等候時間可以去附近掃乾貨及吃小食,真體貼!放題時間為 90 分鐘,基本上邊款壽司都好食,但最緊要帶足現金,因為不接受信用卡付款。
基本上水準都好平均,海產勝在夠新鮮,不比要排上幾小時的壽司店遜色。
星期六及公眾假期,只有 7 小時放題時段,各位吃貨要把握時間。
鮨まぐろや(鮪屋)
地址:東京都中央區築地 6-8-10
電話:+81 (0)3 32482751
營業時間:星期一至五 11am–2pm(午餐)及 5pm–10pm(晩餐)、星期六及公眾假期11am–6pm(放題時段)
價錢:3,500日圓
圖:tabelog.com
#07 甜品任食 Bittersweets Buffet
主打甜品放題的「Bittersweets Buffet」,在新宿及池袋都有分店,最抵食的 Lunch Buffet 採 90分鐘制,成人只需 1,880 日圓,小學生 1,080 日圓、3 歲以上幼童 500 日圓。店家提供朱古力噴泉、各式蛋糕、雪糕、奶凍等 20 多款甜品,又會按季節推出特別 menu,如秋天就有南瓜、栗子、蕃薯等甜品出場,而其實這一家 buffet 更有不少冷熱食供應,如 pizza 就有 6 款、意大利粉有 3 款等,加上環境優美有氣氛,難怪極受日本女生歡迎!
Bittersweets Buffet 新宿店
地址:東京都新宿區新宿 3 - 38 - 1 Lumine EST 新宿店 8/F
電話:+81(0)3 5367 1899
營業時間:星期一至五 11am - 4pm、5pm - 11pm(最後入座時間為 10pm);星期六、日及日本假期 10:30am - 10:30pm(最後入座時間為 9:30pm)
價錢:平日 lunch buffet 90 分鐘,成人 2,480 日圓,小學生 1,080 日圓、3 歲以上幼童 500 日圓;平日 dinner buffet 90 分鐘,成人 2,980 日圓,小學生 1,440 日圓、3 歲以上幼童 730 日圓
交通:JR 新宿站直達 Lumine EST 商場
Bittersweets Buffet 池袋店
地址:東京都豊島區西池袋 1 - 11 - 1 Lumine 池袋店 9/F
電話:+81(0)3 6907 2431
營業時間:星期一至五 11am - 4pm、5pm - 11pm(最後入座時間為 10pm);星期六、日及日本假期 10:30am - 10:30pm(最後入座時間為 9:30pm)
交通:JR 池袋站,步行約 2 分鐘
↓【送機票✈️】分享旅行靚相 贏免費機票↓↓
↓ 請您免費飛轉日/韓/泰!↓
↓ 請您免費飛轉日/韓/泰!↓
↓全新旅遊主題集結!↓↓
↓立即睇打卡熱點/地道美食/住宿指南等!↓
↓立即睇打卡熱點/地道美食/住宿指南等!↓