【#環球買物】做得貓奴,無時無刻都心繫主子,不過平時班主子鬼咁有性格,話嚟就嚟、話走就走,想攬住主子纏綿一陣都幾難!
唔知係咪因為咁,日本品牌 「YOU+MORE!」就推出咗呢款攬得又睇得嘅貓攬枕。嗱,我知攬起嚟當然同主子感覺唔一樣,但勝在一個攬枕上有 5 隻擺住唔同甫士嘅貓,瞓底攬住佢時就好似啲貓貓陪住你瞓咁,幾 sweet!買齊 4 款就有 20 隻貓陪瞓,係咪開心先?
貓攬枕(每個 ¥ 6,043)
一 set 四款的貓攬枕,貓貓有唔同品種外亦擺住唔同甫士,好得意!
居家產品系列除咗有貓攬枕外,更有衫有拖鞋有床單就連臉油紙都有,得意得嚟又靚、靚得嚟又實用,今次就揀咗幾樣精選,睇吓啱唔啱使。
撲蝶太陽擋( ¥ 2,586)
估唔到連車的太陽擋都有,仲要係 4 隻貓仔撲蝶,好好笑。
貓脷臉油紙 ( ¥ 701)
另一估唔到之選,臉!油!紙!而且張吸油紙仲要 pink 色扮貓脷,無聊得嚟又真係會忍唔住笑咗出嚟!
貓貓收納箱 (每個 ¥ 2,104)
貓圖案的收納箱,買嚟梗係裝貓用品啦!
貓頭拖鞋(¥ 2,320)
若果我係主子的話,見到個貓頭係地下走嚟走去應該會追住嚟打!
想買?可以到以下網站:
圖:felissimo jp
//延伸閱讀//
↓【出Post賺現金賞】《社群》助您發展創作者事業↓↓
↓透過發佈帖文賺取收入!立即參加!↓
↓透過發佈帖文賺取收入!立即參加!↓
↓全新旅遊主題集結!↓↓
↓立即睇打卡熱點/地道美食/住宿指南等!↓
↓立即睇打卡熱點/地道美食/住宿指南等!↓