有時唔係話排隊一定好,因為好可能只係一陣排隊熱,但熱潮過後,依然不乏捧客,咁就證明其食物好味指數一定有保證!以下 5家在札幌食甜品嘅 Cafe,可以講係全札幌都知佢好味,人龍久久不散,去開札幌的甜品控絕不可錯過!
01|當地人最愛 圓山 Pancake
位於圓山公園站附近的「圓山 Pancake」是一家專賣 pancake 的人氣 cafe,深得很多北海道居民歡心,更誇讚它比東京很多知名的 cafe 更好吃。口碑如此好,當然要來一探究竟!
圓山 Pancake(円山ぱんけーき)
地址:北海道札幌市中央區南四条西 18-2-19 Brillante 南圓山 1F
電話:+81 (0)1 1533 2233
營業時間:11am - 6:30pm
Facebook:maruyamapancake
地圖 按此
02|手信變新地 白色戀人 cafe
乜「白色戀人」唔係北海道手信嚟嘅咩?點解會變咗咖啡室?其實「白色戀人」有自家的觀光工廠,名為「白色戀人公園」。ISHIYA CAFÉ 是設於「白色戀人公園」內的咖啡廳,樓上還有石屋製菓的店鋪和表演手藝的藝術糖果專門店「Candy Labo」。
03 安藤忠雄設計北菓樓 超人氣 Cafe
北菓樓札幌本館請來建築大師安藤忠雄操刀設計,花費約 14 億日元去翻新已 90 年歷史的北海道廳立圖書館,成為「北菓樓」第一間位於札幌的旗艦店門市!自從開業就一直有人龍的 2 樓Cafe 啦!雖然超人氣,可是 Cafe 的座位不多,只有大慨 12 張桌,簡潔明亮的裝潢風格,配合座位的前後方都有直達天花板的書櫃,近六千本藏書真係可以隨意選擇邊食邊讀,令大家不忘這裡的前身就是圖書館。
(左) 感覺侍應就像是圖書館管理員。(右) 在 Cafe 後面,洗手間的對面有展覽廳,展出札幌地圖模型及北海道廳立圖書館的歷史演變,小心錯過了!
(左) 6 千多本藏書中,除了有北海道旅遊書籍,當然少不了有安藤忠雄的建築設計書籍啦。(右) 浪漫的白色鋼琴,可惜只作欣嘗,識彈都唔好摸呀。
Cafe 中的食物以雪糕、蛋糕等甜點作為主打,當中限量供應的款式,例如法式多士很多時候中午就已經賣光,另外為了照顧同行男士的需要,更有鹹食供應,意粉、蛋包飯等都有,咁就唔怕唔飽肚啦!
在吃造型夢幻的士多啤梨芭菲的同時,可以一看身後的紅磚牆是特意保留下來,屬於古蹟的一部分。
(左) 限量供應的法式多士,蛋香十足,甜而不膩,都只需約 650 日元,唔怪得好快賣晒!(右) 店內限定的清爽薄荷茶有淡淡的檸檬草香味,約 650 日元。
除了白色紅牆裝潢,兩邊都有格仔窗戶滲入自然光。
北菓樓札幌本館
地址:北海道札幌市中央區北 1 条西 5 丁目 1-2
營業時間:10am - 7pm
交通:JR 大通站五號出口,步行 5 分鐘
04 六花亭喫茶室 簡潔實力派
「六花亭」於 1933 年就開業,前身係日本第一間白朱古力的專賣店「千秋庵」,1977 年正式易名為「六花亭」,所以絕對是子專門店大前輩!其最新的專門店,於 2016 年 6 月開幕,位置更比「北菓樓」本店更方便,正正就在札幌車站附近,本店的重點是 2 樓喫茶室,每天早上 10 點半開業,但 10 點左右就已經有人在門口等候,喫茶室以白色為主,配上落地玻璃外的雪景,整個就是白到不行!其甜品的外貌亦同樣相當平實,但蛋糕的鬆軟香甜、酥餅的鬆脆都令人入口難忘,難怪即使裝潢及食物都沒有花巧,依然大受歡迎!
(左) 蘋果酥餅,香甜肉桂味加餅身鬆脆,兩啖就食晒,好唔夠喉!330 日元。(右) 店內限定的士多啤梨蛋糕,蛋糕入口真的如同海綿,忌廉入口即化!480 日元。
同樣是店內限定的紅豆甜品名為「一陽來復」,用上京都丹波小紅豆、百合根及葛粉而煮,清甜滋潤,420 日元。
印有「六花亭」招牌碎花的杯碟,不能買走,只可用印花兌換。
喫茶室的入口亦沒有特別裝潢,毫不起眼。
六花亭札幌本店
地址:札幌市中央區北 4 西 6 丁目 3-3
電話:+81(0)11 261 6666
營業時間:10:30pm - 6pm
交通:JR 札幌站南口,步行約 3 分鐘
05 札幌車站即到 GLACIEL 甜品店
來自北海道小樽甜品名店 LeTAO 每次在日本其他地方開店都會成為話題,2016 年 12 月其副線超有名的 GLACIEL 雪糕店就在札幌車站上面的 Stellar Place 開業,而且今次仲有埋坐得舒舒服服的 Cafe,先唔講每款的甜點味道都超越酒店質素,而且甜品款款外型充滿藝術感,食落又多層次,難怪每日下午 5 點多,店內的產品已經所剩無幾。
(左) 名叫 Vacherin Glace,外型話似藝術品一都唔誇張!由熱情果、野莓、士多啤梨及芒果等的雪糕組成,喜歡甜酸的人必點!107 港元。(右) 空氣感十足的 Pancake 配白朱古力及雲呢雪糕,女生抵抗不了吧!65 港元。
每日新鮮製造的雪糕只可在門外的專櫃點,每球 46 港元。
店內地方不大,用上一向的實木風格裝潢。
GLACIEL
地址:札幌市中央區北 5 西 2 丁目 Sapporo Stellar Place 2 樓
營業時間:10am - 9pm
文:kika、圖:邱鴻基
//延伸閱讀//
↓【送機票✈️】分享旅行靚相 贏免費機票↓↓
↓ 請您免費飛轉日/韓/泰!↓
↓ 請您免費飛轉日/韓/泰!↓
↓全新旅遊主題登場↓
↓立即睇打卡熱點/地道隱世美食/必買手信等!↓
↓立即睇打卡熱點/地道隱世美食/必買手信等!↓