在香蕉上寫 message 或畫公仔已經不是新鮮事,之前見有無聊的人用㩒釘,好似紋身一樣拮出「蒙羅麗莎」或「海賊王」堅得來很無聊。但係拮拮拮,好鬼嘥時間。最近專出香蕉及菠蘿的品牌 Dole 就推出一支專 for 香蕉的筆,可以將 message 寫在香蕉上,夠 sweet 又夠新意。示愛唔一定送朱古力的!
話說日本有位化名 End Cap 的藝術家,用㩒釘拮拮拮拮出靚畫,曾經瘋傳過一段時間;唔知日本的 Dole 係咪見佢拮得咁苦苦,最近推出一支「banana pen」,可以輕鬆在香蕉皮上寫字,而且仲係雙頭設計,一粗一幼,畫乜都得!驚支筆用墨水會有害?唔駛驚,日本設計永遠都好貼心,其實支筆嘅所謂「墨水」係食用醋,輕輕的傷害蕉皮表面,達到寫字效果,完全冇毒害性,放心。而且用法又好簡單,好似平時寫字一樣,寫在蕉皮上,等 5 分鐘後,搞掂!其實 Dole 的原意,係趁東京馬拉松將至,推出呢件新產品為跑手集氣用嘅,不過情人節就到,想搞搞新意,試吓送條寫滿 message 的蕉來示愛都唔錯!
雙頭設計,想寫字或畫公仔都得。
只要輕輕在蕉皮上寫字,5分鍾內字體就會現形,好似神奇墨水一樣咁神奇。
有口難言或示愛,遞上一隻香蕉,搞掂。
去開日本的朋友,可以去半蔵門綫涉谷駅 3 號出口的自動售賣機,就可以買到。一支筆加條蕉,一試無妨。每條 150 日圓。(圖:みかん MK@twitter、KMB_oji@twitter)
//延伸閱讀//
↓【必收藏】最新深圳食買玩攻略!↓↓
↓ 大灣區一小時生活圈!最新打卡熱點/熱門美食等!↓
↓ 大灣區一小時生活圈!最新打卡熱點/熱門美食等!↓
↓全新旅遊主題集結!↓↓
↓立即睇打卡熱點/地道美食/住宿指南等!↓
↓立即睇打卡熱點/地道美食/住宿指南等!↓