日本三重度假村走靚靚地中海建築風

發佈時間: 2017.01.14

想去地中海，但係唔夠錢又唔夠假，可以點做？索性轉移目標去日本三重縣誌摩半島！島上有一條渡假村「Villastyle Stay & Resort 志摩地中海村」，面積大到霸晒成個山頭，全村布置得充滿異國風情，加上三面環海完全冇城市高樓令靚景穿崩，再望真眼前天然湛藍海景，真心覺得係去咗地中海而唔係日本！

建築物充滿希臘、意大利等地中海國家 style，加上充沛陽光影相好靚。

渡假村內的泳池，不正正充滿希臘的雅典風嗎？

地中海度假村原本採會員制的，不過最近已全面對外開放，所以遊客都一窩蜂去影靚相打卡。整條渡假村面積約有兩個東京巨蛋咁大，有齊酒店、餐廳、商舖等等，是一條綜合性度假村。村內模仿西班牙南部的 Andalucia、中部的 Castilla 及地中海小島 Sardinia 三處地方的地理景緻，走一圈就好似去咗地中海咁抵！村內有辦婚禮的專屬場地，深受日本人歡迎，大家有興趣不如都婚攝、婚禮一次過，影晒日本、地中海多國靚景相啦！