2017.01.13
韓國 農莊雖然由 12 月至 6 月都有摘士多啤梨團，但講到最甜大粒嘅絕佳收成期，通常都係 1 到 3 月期間，而且 韓國 士多啤梨 價錢比日本平好多，真係不能錯過。即為大家介紹以下 6 處 韓國 摘士多啤梨熱點。
小農夫草莓農場
親自摘新鮮士多啤梨，當然開心啦！但山長水遠去到農莊，只係摘同食，感覺會好 dry。位於京畿道附近的小農夫草莓農場，唔只可以摘同食，仲有 Work shop 玩。好似自製朱古力士多啤梨、士多啤梨果醬及大福，而且摘士多啤梨前，仲有個姨姨講解士多啤梨的種植過程及採摘方法，真係有得玩有得食又可以長知識。
每人都獲派一個膠盒，睇落可裝士多啤梨的數量唔多，但農場主人就會叫你有幾多裝幾個，因為要留番來整朱古力士多啤梨及大福，而且又可以邊摘邊食，貪心啲都無妨。(圖: seara3112 @IG)
自己整嘅大福當然好食好多，仲加埋朱古力士多啤梨，真係食士多啤梨都食飽。
摘完士多啤梨即刻整醬，夠新鮮又無添加。
農場門口好易認，有兩個公仔紙板做左右門神。
小農夫草莓園農場
價錢：
1. 摘士多啤梨+自製士多啤梨大福(成人：23,000韓圜 (約港幣 150 元)，小童：18,000 韓圜 (約港幣 117 元))
2. 摘士多啤梨+自製士多啤梨果醬(成人：23,000韓圜 (約港幣150)，小童：18,000 韓圜(約港幣 117 元))
3. 摘士多啤梨+自製千多啤梨大福+自製朱古力士多啤梨 (成人：31,000韓圜 (約港幣 201 元)，小童：26,000韓圜 (約港幣 170 元)
地址：韓國 京畿道 兩水郡 兩西面 兩水里740-2
電話：+82 (0)10 7293 7786 及 +82 (0)10 2783 7786
生命農場
如果你對 workshop 冇乜興趣，只想專心食食食，不妨去呢個有機種植的士多啤梨農場－生命農場（Life Farm），包保滿足到你。因為有機種植，搞落嚟就可以放落口，唔需要清洗，而且仲好鬼甜又夠大粒，食到你唔食為止。但每日只有兩個時段；分別是早上11點及下午2點，任食兩小時，都只係 16,000韓圜 (約 104 港元) ，絕對回到本。
粒粒都夠大又紅潤，隔住個 mon 都流口水。（圖：韓國媳婦凱䓶＠痞客邦）
有機種植，唔使清洗就食得，真係可以邊摘邊食。
每年士多啤梨收成期，都吸引唔少家庭，小朋友邊摘邊食，最開心。（圖：hamhyekang@instagram）
生命農場
地址：京畿道 南楊州市 鳥安面 松村里 363-2
電話：+82 (0)10 6618 8649
價錢：成人：16,000 韓圜 (約 104 港元)，小童：10,000 韓圜 (約 65 港元)
↓ 【送禮】大派主題樂園門票100張！↓↓
↓ 社群地圖企劃！立即入APP參加！↓![]()
↓ 社群地圖企劃！立即入APP參加！↓
↓全新旅遊主題登場↓
↓立即睇打卡熱點／地道隱世美食／必買手信等！↓![]()
↓立即睇打卡熱點／地道隱世美食／必買手信等！↓
utravel
發表回應