2017.01.13
人在雷克雅未克，參加追光巴士團，預咗早幾日就要睇實極光指數同天氣狀況！經旅館得知當晚的極光預測指數有 Kp3.6，屬肉眼可見的強度，成團 ok！
講流程，同其他 day tour 大同小異：晚上 8 點半左右，專車從旅館或酒店 pick up，載我們到 Sterna 位於 Harpa Concert Hall 內的票站，憑 email 登記證明換取車票。
共 56 人便兩輛旅遊巴出發，車程一小時後到達首都以南的地熱區域 Krisuvik。講真，若非事後 google，我係完全唔知自己去咗邊，事關該地係徹底的零光害，黑至伸手不見五指，要靠電筒照明才見到木棧道，一跣腳，就踩落熱氣騰騰的溫泉！
Krisuvik 地熱區泉眼多，石頭呈灰白、泥黃色，但晚上乜都唔見，只聞到強烈硫磺味。
時為 10 點左右，等待極光、狂影圓月、銀河和流星的同時，我們終於得到一杯香濃美味的熱朱古力，於只得攝氏兩度加上寒風凜冽的深夜，絕對係又 warm 又 sweet 的慰藉！
雖然出動兩旅遊大巴，但 Sterna 為保證追光團的舒適，每輛只坐三分一。
約一小時後，我們終於見到微弱的極光活動。都說極光照片不代表事實的全部，以當晚極光指數 3.6 而言，肉眼所見只呈淡白色，經過相機鏡頭長時間曝光才透出青綠，當然我們與一眾「龍友」還是狂影不停。
「我們上路吧！」導遊 Christine 與司機明顯不滿於現狀，決定開車追光去。直至 12 時左右，經歷 5 次上上落落係咁追不停影，終於被我們親眼見到淡綠色的極光，就像一道若隱若現的紗簾在半空裊裊繚繞……可惜此時，忘記帶保暖手套且眼瞓到爆的本人已宣布夠皮，決定留在車上恰番陣……
Northern Lights Tour@Sterna Travel
電話：+354 551 1166
//伸延閱讀// 【#北極光】無牌遊冰島 極光巴士團點揀好？
【U Lifestyle聖誕寵粉企劃🎄】12月大激賞！↓
↓勁送超過3000份獎品！簡單兩步免費參加↓![]()
↓勁送超過3000份獎品！簡單兩步免費參加↓
↓【限時搶】Super Sports Park入場門票！↓↓
↓ 全港最大的室內運動遊樂場！ / 超過20款運動設施！ ↓![]()
↓ 全港最大的室內運動遊樂場！ / 超過20款運動設施！ ↓
