《世界零距離》又嚟喇,「金句王」方東昇繼續帶大家出走 comfort zone、探索一啲非旅遊熱點國家嘅風土人情,本周首播嘅第一集遠赴埃塞俄比亞,拆解大眾印象中呢個「第三世界代表國」嘅一啲迷思。
1. 「再試投降」臭襪餅
文化差異永遠好睇,好似埃塞傳統主食「英吉拉餅」(injera),以當地特產穀物苔麩(Teff)同麵粉混合發酵嘅麵糊而製成,國民食足三千年,但外人就完全「唔識欣賞」,有人話味道似臭襪,唔係人人受得了!
第一集,攝製隊去到當地餐廳試食英吉拉餅,主持陳沛珈、黃曉瑩食到「嚡口嚡面」,表示:「味道只係酸,唔係『縮』,可以接受!」然後,方東昇就以金句總結:「一試無妨,再試投降」!
呢一味英吉拉餅,到底是咪「味如臭襪」?我哋問過曾走訪埃塞俄比亞嘅攝影師鄧志堅,佢如此形容:
「質感似薄版白糖糕,除咗少少酸縮味之外冇其他味,要沾醬或夾餡食。我覺得未至於臭襪咁嚴重,不過試完一次之後確實唔想再食!」
《世界零距離》首一兩集介紹埃塞俄比亞,其中一段介紹傳統食品「英吉拉餅」。(TVB 電視截圖)
「好似發脹海綿……(味道)唔係縮,係酸,可以接受!」女主持陳沛珈、黃曉瑩又食到乸晒口面咁?(TVB 電視截圖)
方東昇一出,預咗金句 / 爛 gag 橫飛,好似「歲月不饒人,起身見頭暈」、「路遙知馬力,啲汗係咁滴」,都唔知應該笑定反眼。(TVB 電視截圖)
旅行攝影師鄧志堅早前跟隨樂施會到埃塞俄比亞探訪,試過必食嘅英吉拉餅,佢形容呢種有咖哩汁、肉豆醬和蔬菜伴碟為「豪華版」。當地人一人 order 一大盤,洗手後就可以由「外圍」開動,手撕英吉拉餅來沾醬食。
外表似碗布,質感似海綿。
40 年代埃塞曾於被意大利殖民統治,所以好流行意大利菜,當地導遊帶阿堅去的著名餐廳 Top View,除英吉拉料理亦主打意大利菜。
2. 「精神百倍」埃塞瑪奇朵
《世界零距離》亦有講解埃塞同咖啡嘅淵源,其實南部省份 Kaffa 相傳係咖啡嘅發源地之一(亦是咖啡之名的由來)。作為世界第 5 大咖啡豆生產國,咖啡豆出口價普遍極低,一直被視為不公平貿易;電視畫面可見人人都歎啡,handdrip 或明火煮,一飲就個多小時。
方東昇就去咗另一個遊客必到嘅 TO.MO.CA.,呢間超過 60 年歷史嘅 coffee shop 非常旺場,試飲咖啡時,三位主持如此 tag in:
「飲一杯,精神百倍;
飲兩杯,全晚都瞓唔着;
飲三杯,當晚同聽朝完全冇睡意。
(感覺係點?)
我想知,但唔想試。」
(TVB 電視截圖)
哦……問番攝影師阿堅,本身亦係咖啡精嘅佢亦去過 TO.MO.CA. 試咗瑪奇朵 macchiato,評價係咁:「濃而香!不過,其實埃塞的傳統沖咖啡方法更具特色,而且味道更強更濃。」
TO.MO.CA. 唔止遊客必到,亦受當地人歡迎。其咖啡豆來自有機野生咖啡樹而唔係植物園,難怪出口到日本亦大受歡迎,東京仲有兩間實體店。
推介 espresso 和 Macchiato 兩種選擇,同時飲更加試得出分別。
全場只設立飲,炒豆可供選購,買回家當手信啱晒。
攝影師鄧志堅於上月跟隨樂施會走訪埃塞俄比亞,眼見首都處處是建設…
…與郊外小村落居民生活成好大對比。
鄧志堅攝影作品
鄧志堅攝影作品
鄧志堅攝影作品
圖:鄧志堅
↓【送機票✈️】分享旅行靚相 贏免費機票↓↓
↓ 請您免費飛轉日/韓/泰!↓
↓ 請您免費飛轉日/韓/泰!↓
↓全新旅遊主題登場↓
↓立即睇打卡熱點/地道隱世美食/必買手信等!↓
↓立即睇打卡熱點/地道隱世美食/必買手信等!↓