由 JR 東日本舉辦的「駅弁味の陣2016」已經去到第五屆,每次都有話題性,皆因極具公信力,事關每年的 10 月至 11 月期間,所有來自日本不同地區車站的參選便當,會在東京、品川、新宿及上野等大站開始攤檔,在網上一人一票選出,公平、公正及公開,唔係小圈子選舉,絕對信得過。
今年參選的便當,分別來自 JR 東日本遠至東北甲信越,近至東京千葉的車站,共 61 款便當。每款便當隔住個 mon 睇到都流口水,好似秋田駅的「白神そだち あわび五能線弁当」有大大粒鮑魚、盛岡及八戶駅的「こぼれイクラととろサーモン ハラス焼き弁当」大大塊燒三文魚再鋪上大粒三文魚子及 いわき(磐城)及湯本駅,鋪滿海膽的「いわき名物 うに貝焼き弁当」,但冠軍居然係秋田縣名產比內地雞的「比内地鶏の鶏めし弁当」,真係估佢(哋)唔到。
除了以上三個大獎外,「駅弁味の陣」亦設有「味道獎」、「外觀獎」、「包裝紙獎」、「鄉土獎」等,總共 10 個大獎。
(圖:ComNanairo@twitter)
No.1
比内地鶏の鶏めし弁当(秋田縣)
連續兩年蟬聯「駅弁大將軍」(第 1 名)大獎,確實唔講得笑。選用秋田縣名物比內地雞,用鹽燒及秘製醬汁兩款不同口味,一個便當有兩種口味,配菜又夠豐富,深得日本人歡迎。
售賣車站:大館、秋田及東能代駅
價錢:1,200日圓
No.2
津軽海峡 にぐ・さがな弁当(青森縣)
以類近報紙的包裝為賣點的「津軽海峡 にぐ・さがな弁当」是青森及函館的旅遊推廣活動的聯乘設計便當,玩懷舊style,獲得「駅弁副将軍」(第二名)。除咗賣相夠特別,配料有青森出名的蘋果,、醋醃魷魚及梅杏都為主菜帶來另一番風味。
售賣車站:新青森、八戸、盛岡駅
價錢:1,300日圓
(圖:akatoki0@twitter)
No.3
女将のおもてなし弁当~鳴子温泉編~(仙台)
第 3 名(駅弁大名),是來自宮城縣的「女将のおもてなし弁当~鳴子温泉編~」,六角形加上仿竹葉包裝,夠晒古式古香。至於餸菜方便,由當地的溫泉旅館設計,將宮城縣的特色,如粟子、冬菇味飯團及醃菜,充分感受當地的味道。
售賣車站: 仙台駅
價錢:1,150日圓
//延伸閱讀//
↓【出Post賺現金賞】《社群》助您發展創作者事業↓↓
↓透過發佈帖文賺取收入!立即參加!↓
↓透過發佈帖文賺取收入!立即參加!↓
↓全新旅遊主題集結!↓↓
↓立即睇打卡熱點/地道美食/住宿指南等!↓
↓立即睇打卡熱點/地道美食/住宿指南等!↓