唔知點解,韓國炸雞真係有種魅力。若然身處首爾又夜媽媽餓起上嚟點算好?唔使心慌慌嘅!以下 3 大人氣炸雞店都係深宵不眠不休營業至天亮,名副其實任何時候想食就食到!如果凌晨時分連門口都唔願出,拜託酒店或民宿職員幫忙撥個電話叫外賣,一樣咁方便!
三甲之一名店
呢間 TWO TWO 炸雞已經有 30 幾年歷史、喺韓國更有 300 幾間分店,9 月先落戶香港,喺韓國嘅炸雞人氣肯定是三甲之內。絕大部分分店都係營業至 3am,只有此東大門店 24 小時營業,隔離是樂天百貨、斜對面是 DDP,地點超就腳,細細間,好方便好易搵。門口個「炸雞山」超震撼,聽聞炸雞都是沿用傳統秘方,除了加入蒜料,又會掃上特製炸粉,蒜香、酸甜醬味道超讚!舖面細細只有約 10 張枱,不過佔地兩層,食唔晒又可以打包返酒店,快啲 Bookmark 定!
明星代言魅力
橋村是無人不識的韓國炸雞品牌,多年來不惜工本,先後請到神話、SUPER JUNIOR、李敏鎬等明星做代言。呢間東大門店是橋村唯一一間 24 小時營業的分店,仲夠膽喺肯德肯叔叔頭上釘鈳虱乸,開正喺 KFC 樓上!此店備有中文 Menu、有識講中文(普通話啦!)嘅員工,點餐無難度,Shopping Shop 到朝早都有炸雞食!
韓國人熱捧辣炒年糕
穿過明洞就係南大門,呢區有南大門市場,有好多平民美食,呢間炸雞更加喺南大門地鐵會賢站出口,一上地面,零分鐘便到達!同其他名氣炸雞店相比,此店好多韓國人幫襯,除了好受歡迎的原味和蒜香,辣味炸雞最特別,而且係韓國人食開的口味,刺激夠晒醒神。
↓【必收藏】最新深圳食買玩攻略!↓↓
↓ 大灣區一小時生活圈!最新打卡熱點/熱門美食等!↓
↓ 大灣區一小時生活圈!最新打卡熱點/熱門美食等!↓
↓全新旅遊主題登場↓
↓立即睇打卡熱點/地道隱世美食/必買手信等!↓
↓立即睇打卡熱點/地道隱世美食/必買手信等!↓