2017.01.10
北海道一入冬，4 點就日落，成晚流流長，當地人就唔怕凍，喺戶外大搞節慶，以平原見稱嘅十勝，就搞咗個「彩凛華」，當地人稱呼為「光之森林」，加埋燈效，閃足一個月。喺十勝が丘公園，由 1 月 21 日開始，就會撐起 305 個大大細細嘅尖塔，最大嘅有成 5 米 4 高，同場仲有 362 個發光球、spotlight，用電腦操控、配合音樂，兩個鐘內，667 個發光體，隨住 DJ 打碟，不停閃、不停變色，為求大家睇到頭暈。
最巨型嘅有 5.4 米高，其餘都有 2.6米、1.6米，好有氣勢。
如果鍾意靜態啲嘅，建議離開 party 主場，參加製作 workshop，大家夾手夾腳用雪、蠟燭整雪燈，整一個靜啲、自然啲嘅光之森林。
有光之森林，就當然唔少得動物園，用 LED 整成北極熊、小鹿斑比、兔仔等等。(圖：Crazy＊crazY @Twitter)
嫌齋望好悶，可以畀錢坐雪地橡皮艇，穿越迷幻光森林主場。(圖：北海道生活網站)
又或者避開光害，靜靜地借個車軚嚟瀡冰梯。
香港無幾何負數溫度，玩吓《學是學非》，實驗零下 15 度吹番皂泡，據講會變成玻璃球咁㗎！
玩到對手凍過冰玻璃，係時候暖一暖，場內有「手湯」，泉水係十勝川溫泉最出名嘅植物性褐碳溫泉，浸完又暖又滑！
如果大家星期六、日去，仲可以免費飲到十勝出產、全北海道都識嘅四葉熱鮮奶，不過平日係要畀 100 日圓的。
名副其實嘅「溫室」，既擋風、保溫，仲有熱飲同枱凳，溫暖過後，再挑戰光之森林。(圖：村椿真梨 @Twitter)
彩凛華
地址：北海道河東郡音更町十勝川温泉北14丁目十勝が丘公園
日期：1月21日-2月26日
時間：7-9pm
//延伸閱讀//
文：ada 圖：十勝川溫泉、北海道生活、twitter
↓【限時搶】八蠔吧 Raw Bar No.8 「蠔情夜宴套餐」！ ↓↓
↓ 生蠔 (廚師發辦) + Prosecco氣泡酒！ ↓![]()
↓ 生蠔 (廚師發辦) + Prosecco氣泡酒！ ↓
↓必收藏！香港咖啡地圖2023！↓
↓精選50間咖啡店（附評分）！即睇詳細介紹↓![]()
↓精選50間咖啡店（附評分）！即睇詳細介紹↓
utravel
發表回應