日劇《逃避雖可恥但有用》(或譯:《月薪嬌妻》)熱爆日本,是近年收視之冠,帶起激多熱話。劇中拍攝過的溫泉旅館被 book 爆、男女主角去過的神社都突然善信倍增!最近就連男主角星野源父母開嘅 Jazz Bar 都被熱情粉絲搞到應接不暇而決定結業!睇嚟《逃恥》風潮仲會吹多一段時間!
男女主角星野源及新坦結衣,由最初僱傭關係發展成假夫妻、真情侶,最終都大團圓結局,大量 sweet 到爆的情節令觀眾深刻到想去拍攝地感受吓!好似劇中出現過兩個神社,依家都變成熱門旅遊點,單身的希望有好姻緣,情侶就希望可以沾沾他們的甜蜜,開花結果!
美栗第一次表示好感 @ 山梨縣大善寺
美栗對津崎表示好感,令毒 L 津崎溶咁濟,向美栗打開心扉。
在第三集,津崎兩公婆與同事、美栗阿姨去山梨縣的大善寺摘提子。美栗在神社搵到離開大隊的津崎,兩人參拜時,美栗雖然覺得津崎同事風見好靚仔,但告白自己都係比較鍾意津崎的性格,開始結下紅綫。這一幕,唔少觀眾睇完都為津崎呢個毒 L 開心,之後寺廟參拜人數極速標升,由每年只有 3,000人,到每日都有人龍、幾日就破千的人數而嚇親,連自家製的紅酒都賣斷市!
又名葡萄寺的大善寺,每年都有出產自家製葡萄酒,但近期因為《逃恥》效應,一早賣晒,依家新年期間,只得提子汁或白酒供應。
大善寺
地址:山梨県甲州市勝沼町勝沼 3559
參拜時間:4月至1月 9am – 4:30pm,12月至3月9am – 4pm
津崎美栗當眾攬攬放閃 @ 橫濱篠原八幡神社
最後一集大結局,美栗兼職幫附近商店街在神社搞市集,津崎亦因為被裁員轉工之際學識體恤美栗分擔家務,仲主動幫手到神社市集做義工,令美栗好感動,仲當住幾十人的面即場嚟個愛的抱抱,恨死好多真實情侶!所以粉絲都唔放過呢間橫濱篠原八幡神社,參拜祈求關係幸福美滿,在新年參拜高峰期中,結緣御手仲賣清光,神社負責人話冇諗過咁勁!
市集在神社外舉行,見證了劇中 3 對心意相通的情侶誕生!
《逃恥》官方 IG 上有主角們在神社的拍攝花絮相。
呢兩位也在神社前結緣,hehe。
篠原八幡神社
地址:神奈川県横浜市港北区篠原町
參拜時間:9am – 4:30pm
圖:nigehaji_fan@ig、nigehaji@ig、相關神社
//延伸閱讀//
↓【送機票✈️】分享旅行靚相 贏免費機票↓↓
↓ 請您免費飛轉日/韓/泰!↓
↓ 請您免費飛轉日/韓/泰!↓
↓全新旅遊主題集結!↓↓
↓立即睇打卡熱點/地道美食/住宿指南等!↓
↓立即睇打卡熱點/地道美食/住宿指南等!↓