築地場內市場話搬又唔搬,最開心應該係一直想去但又未去過嘅遊客,想把握呢個失而復得嘅機會,盡情品嘗又平又新鮮嘅師傅發辦手握壽司,就一定一定要早起!唔覺意瞓過龍?無嘢嘅,食唔到頭圍之餘,閒閒哋要企係門口排足兩、三個鐘,兼且唔知會唔會賣晒之嘛!唔想咁樣,記得熟讀呢以下介紹,諗定想食邊間,搵定舖頭位置,一落車就向目標出發!
第 3 位 岩佐壽司
名氣遠遜前兩名,人龍及輪候時間明顯較短,好彩的話更加唔使排隊坐低即食,因為提供 7 大貝類壽司套餐而成為三甲之選。
岩佐壽司
地址:東京築地場內市場1號館
長龍指數:**
第 2 位 大和壽司
只係一位之差,已經去到唔排隊就唔使旨意有得食嘅地步!築地市場內比較多本地人幫襯嘅一間,同第一位相比,味道所差無幾,只係輸在人氣,同埋無咁多外國人識,不過,想排頭位都係要 5 點嚟排隊。
大和壽司
地址:東京築地場內市場 6 號館
長龍指數:****
第 1 位 壽司大
唔使講都知,壽司大有幾巴閉,漁船未埋岸就已經有人排隊等食,日日排隊嘅人都多過來貨數量,致勝關鍵,係精通英語又風趣幽默嘅壽司師傅,唔怪知無論係日本國內定國外排名都長踞榜首。
壽司大
地址:東京築地場內市場 6 號館
地址:東京築地場內市場 6 號館
長龍指數:*****
↓【必收藏】最新深圳食買玩攻略!↓↓
↓ 大灣區一小時生活圈!最新打卡熱點/熱門美食等!↓
↓ 大灣區一小時生活圈!最新打卡熱點/熱門美食等!↓
↓全新旅遊主題登場↓
↓立即睇打卡熱點/地道隱世美食/必買手信等!↓
↓立即睇打卡熱點/地道隱世美食/必買手信等!↓