聖誕剛剛先過,仲有兩日又除夕,你叫我毒自一個點渡過?!各位毒友,有咗呢個比周秀娜攬枕更真實、更親切嘅最新改良版人形抱枕,自備埋 VR 眼鏡、同公仔大玩 VR 虛擬實境遊戲,毒 L 們不再淒涼喇!
幫攬枕穿上學生水手服,讓人尋回初戀呀!初戀!
日本生產商「Bibi Lab」一直係毒 L 救星,前作係一個人形攬枕,畀小毒毒自救;今年更推出改良版,攬枕可換上可機洗的皮膚色天鵝絨 cover,又用上高質棉花令人抱落更軟棉棉,令觸感更為真實,連頭部都加入埋頸骨設計,就算將公仔坐直都唔會「頭耷耷」!
攬住又得,陪你睇愛回家都得。
Dress up 一下,聖誕又點會孤單呢。
Cosplay 亦得!不過買公仔唔連衫,需自行 styling。
高質棉花撳落去軟棉棉,「皮膚」外層採用天鵝絨布料,「手感」比前作更像真。
人形攬枕根據身形分為男版「綿旦娜」(身高 162cm)及女版「綿嫁」(身高 148cm),可換上校服、聖誕 look 和晚裝等不同造型。所以顧客唔止係毒男,女仔一樣可以感受呢份「無償の愛」。攬枕每個賣 11,000 日圓(約 727 港元),價錢公道,一物多用,VR 萬歲!
官網提議,女生們鍾意玩「壁咚」、「床咚」,可盡情發揮!
文:綠子、圖:bibilab
↓【出Post賺現金賞】《社群》助您發展創作者事業↓↓
↓透過發佈帖文賺取收入!立即參加!↓
↓透過發佈帖文賺取收入!立即參加!↓
↓全新旅遊主題集結!↓↓
↓立即睇打卡熱點/地道美食/住宿指南等!↓
↓立即睇打卡熱點/地道美食/住宿指南等!↓