以為澳門凼仔早已被新落城的頂級酒店包圍,吃喝玩樂只局限在酒店裡?且慢!你們忘了手信街--官也街!木糠布甸、大大菜糕……仍是不少死忠粉絲的美食,最近仲有新開的 Monchhichi 木糠布甸 Cafe 進駐,增添幾分可愛魅力。
喜歡 Monchhichi 嘅朋友,平日似乎較難搵到佢蹤影,依家只要去澳門氹仔就可以食埋佢落肚喇!剛在聖誕假期間,氹仔官也街附近新開了「Monchhichi 木糠布甸主題咖啡店」,大家都知官也街名物非木糠布甸莫屬,今次馬騮仔 Monchhichi 便順理成章與木糠布甸結緣開 Cafe,仲話係全亞洲首間 Monchhichi 木糠布甸主題 Cafe,幾咁威水!
Cafe 裡裡外外都是 Monchhichi 公仔,非常可愛,食物方面,主打招牌 Monchhichi 馬騮仔模的木糠布甸及瑪利餅乾,仲有花茶、咖啡等等選配。另外,只要惠顧 cafe 食物,便可以到樓上影相區,有澳門街道、馬騮花園騎單車等佈景裝置畀你打卡影相。fans 表示,最美中不足的,係無立體或巨型 Monchhichi 可膜拜,希望店主聽到這心聲。
好味美食區
「木糠布甸 + 瑪利餅乾 + 槌仔 + 鏟」套餐,鎚子係用嚟扑碎塊瑪利餅乾,再撒落布甸面,然後用鏟子舀起吃,幾好玩。而鎚子及鏟子仲可以畀你帶回家。每套盛惠 38 澳門幣
Monchhichi 馬騮頭大大塊瑪利餅乾,每盒 $88 澳門幣
Monchhichi 木糠布甸亮點當然係佢個馬騮頭,有原味、Oreo 味及綠茶味,每杯 38 澳門幣
Shopping 區
有嘢食當然有嘢買,現場都幾多款 Monchhichi 公仔可買走,有金毛、bebichhichi、典型馬騮樣等等。
想低調含蓄啲,可以買依個格仔銀包,藍綠格仔幾有校園 feel。
打卡影相區
只要在 cafe 幫趁買食物,就可以上樓上 2 樓攝影區影靚相,設有兩張小圓餐桌。
木糠布甸係官也街名物之一,可愛的 Monchhichi 仲捧住杯木糠布甸畀你同街景佈置影相。
Monchhichi 花園佈景都係唔少得嘅影相位。
有埋單車畀你做 props 影相,講明道具 only,唔好騎上去呀!
Monchhichi 木糠布甸主題咖啡店
地址: 澳門氹仔舊城區客商街 7 號
電話:(853)6239 9754
營業時間: 12pm - 9pm (逢星期二休息)
圖:IG: macau d.
↓【送機票✈️】分享旅行靚相 贏免費機票↓↓
↓ 請您免費飛轉日/韓/泰!↓
↓ 請您免費飛轉日/韓/泰!↓
↓全新旅遊主題登場↓
↓立即睇打卡熱點/地道隱世美食/必買手信等!↓
↓立即睇打卡熱點/地道隱世美食/必買手信等!↓