2016.12.25
受北海道日前大雪所影響，札幌新千歲機場嘅航空交通仍未完全回復正常，仍然有大批旅客滯留，有人連續 3 日瞓機場；咁不幸嘅事件大家都唔想，畢竟大時大節人人歸心似箭，等上機、趕返屋企嘅心情，你我都明白！
喺地球嘅另一端，KLM 荷蘭皇家航空就諗到一個好溫心嘅 idea，但如果畀露宿機場中的朋友睇到，都唔知你係攞景定贈興……
話說呢條片自星期五流出至今，facebook 觀看次數已達 2,400 萬次：
早前 KLM 喺阿姆斯特丹史基浦機場（Amsterdam Airport Schiphol）航廈人來人往之處，裝置咗一場「電動盛宴」，一圍超過 20 席嘅大圓枱，set up 咗一頓豐富嘅聖誕大餐，但就用電動機關升起到半空 4.5 米高。玩法，就係等旅客自行入席，凳上面每坐一個人，枱面就會下降啲啲，最終要儲齊 20 位旅客全部就坐，先可以享受到呢餐 x'mas dinner。如是者來自世界各地 20 個不同國籍嘅陌生旅人就此相遇相識，共享快樂時光，人與人之間的距離、機場客運站的冰冷，就咁樣畀 KLM 呢個名為「Bonding Buffet」（bonding 可解作聯誼、交心）嘅 project，一嘢打破晒！
Anyway.... 祝願大家無論身在何方，聖誕夜都過得溫暖、平安！
誕盛宴 Bonding Buffet 的幕後製作情況，20 人大圓桌由電動裝置升高至 4.5 米。
枱布置到好有節日氣氛！ 
誕又點少得聖誕樹~放於圓枱中央。
↓【免費睇！】《香港寵物好去處2023》！↓
↓超過20個毛孩放電點／冷知識／攝影技巧等↓![]()
↓超過20個毛孩放電點／冷知識／攝影技巧等↓
↓必收藏！香港咖啡地圖2023！↓
↓精選50間咖啡店（附評分）！即睇詳細介紹↓![]()
↓精選50間咖啡店（附評分）！即睇詳細介紹↓
utravel
發表回應