好多香港人去泰國旅遊,都會揀每年4月13至15日嘅潑水節去,實地體驗一下泰國傳統節日嘅熱鬧氣氛,原來泰國向聯合國教科文組織申請將潑水節列為人類非物質文化遺產,啱啱宣布咗申遺成功呀!泰國政府仲計劃明年將擴大舉辦潑水節慶祝活動,希望帶動觀光並刺激經濟,有消息話,會將潑水節延長至一個月……
============
同場加映:
【家居達人】專家教你如何檢驗二手車(上)! 驗咩位置最重要?點分辨事故車?
============
每年4月13日至15日,就係俗稱潑水節嘅宋干節(Songkran),係泰國重要嘅節慶之一,好多泰國人會返鄉過節,同時會到寺廟祈福、造訪長輩並在路邊潑水象徵祝福,發展到後來,潑水就成為咗宋干節最具代表性嘅活動,全國各地都會有大型潑水活動。其實宋干節並非只屬於泰國嘅節日,泰國鄰近國家如緬甸、柬埔寨及寮國都會慶祝宋干節,不過今次係泰國政府先向聯合國教科文組織(UNESCO)申請將宋干節列為人類非物質文化遺產(Intangible Cultural Heritage.),並剛宣佈申遺成功。
泰國人會喺稱潑水節嘅宋干節,到寺廟祈福、造訪長輩並在路邊潑水象徵祝福,成為節日最具代表性嘅活動。
潑水節期間,曼谷嘅主要觀光區如席隆(Silom)及考山路(Khao San Road)更加係一級戰場,每年都吸引到無數國際旅客到泰國享受打水仗的樂趣,是泰國極為重要嘅觀光資源,而泰國政府近年來積極拓展軟實力,新總理賽塔(Srettha Thavisin)內閣9月上任後,更決定將發揚泰國軟實力列為主要政策之一。今次申遺成功,更計劃明年將潑水節延長到整個4月,但並非代表潑水活動潑足整個月,而係結合唔同嘅傳統文化活動,將泰國潑水節打造為全球必訪慶典之一,預計可以吸引到3,500萬名外國旅客,真係令人好期待呀,大家留定大假,明年4月去泰國一遊喇!
泰國新總理9月上場後,致力發揚泰國軟實力如觀光及電影戲劇等,正計劃明年將原來只得3日嘅潑水節,延長至整個4月。
text/Joyce
photo/HKET圖片庫
↓透過發佈帖文賺取收入!立即參加!↓
↓立即睇打卡熱點/地道隱世美食/必買手信等!↓