辛苦一年又到年尾,係時候要奬賞吓自己!想嚟一個充滿異國氛圍嘅2日1夜小旅行、近近地去澳門都可以感受得到!除咗可以趁住2023幻彩耀濠江已隆重登場,遊走多個景點打卡影靚相,仲可以歎盡最Chic食買玩,與家人或另一半好好享受聖誕假期。即刻為大家介紹2大必影打卡位、3間必吃餐廳,仲有一連串住宿及購物優惠!
2大必去打卡位 幻彩耀濠江+絕美上葡京
今年嘅「2023幻彩耀濠江」以「璀璨遊樂場」為主題,舉行日期由即日起橫跨澳門回歸紀念日、冬至、聖誕、元旦等多個節日,喺34個景點亮起璀燦燈飾,及光雕表演,大家可以盡情喺各式燈光裝置及燈飾佈置前瘋狂打卡,仲有互動遊戲齊齊玩,隨手一影都係吸Like靚相!
多個澳門地標都有燈飾裝置,每晚由7pm-10pm開放。
想聖誕影出浪漫風格,就要去位於澳門上葡京綜合度假村內嘅綠茵勝境花園喇!遠望一片青蔥景致、細看原來係充滿巴洛克風格嘅樹籬迷宮、中央位置則有巨型圓頂,黃昏到臨即時投射出閃爍絢麗嘅光影,無論日間或夜晚,都能夠帶給旅客截然不同嘅浪漫景色;與你的最愛齊齊留下最美好的時光。
綠茵勝境花園日光時極具歐陸氣息;晚間亮起光影處處時,則有如星光般璀璨,令人目不暇給。
上葡京到處都係打卡位,歐陸裝潢加上聖誕裝飾,讓你和她隨手拍都能成吸Like美照。
3大滋味餐廳 食神味蕾盛宴
澳門係特色菜及自助餐嘅美食天堂相信無人反對,唔少人仲會特登放假或Weekend過大海尋美食。今次推介嘅3大餐廳,均為聖誕特別設計節日美饌及主題美食,即刻同班Fd一齊來個味蕾大滿足!
【必食推介1】與聖誕老人有約-Mesa味賞
既然聖誕,又怎能錯過與聖誕老人打卡機會!喺12月24日及25日到Mesa味賞享用聖誕午餐或晚餐,就有機會同聖誕老人合照,夠晒氣氛。12月,Mesa味賞另備有多款聖誕主題特調雞尾酒,此外聖誕午餐及加推的元旦午餐更加設無限量Bloody Mary Trolley供應,實行與眾同樂。
【必食推介2】貴氣儀式 Don Alfonso1890
以矜貴食材配上大廚巧手製作,每道菜式高雅精緻,配上聖誕限定特調意大利經典Negroni,讓你和她同度浪漫醉人一夜。
於12月22至25日期間,Don Alfonso1890所推出嘅4道菜午餐,以松露入饌夠晒矜貴;24至25日晚則提供7道菜晚餐,享受魚子醬及松露等上乘食材,享受生活就係咁簡單。
【必食推介3】:法式邂逅 天巢法國餐廳
你亦可以乘搭澳娛綜合安排嘅免費穿梭巴士,去到澳門新葡京開展美食之旅。以高貴食材配上不一樣嘅煮法,令天巢法國餐廳一直成為眾人趨之若鶩餐廳之一,想感受不一樣的味覺享受,極力推介大家一試!
由12月24、25及元旦日,天巢法國餐廳均提供節慶晚餐,旅客們可以一嚐別具特色嘅精緻美饌,追求味覺享受嘅你立即放入口袋啦~
放假住好啲 豪歎最Chill酒店!
難得放假,就梗係要歎到盡!嚟到澳門要住好啲,參考吓《福布斯旅遊指南》都好有指標性!當中推介其中之一獲五星推介,就係澳門上葡京。以現代中國風襯托著名藝術作品嘅澳門上葡京,客房瑰麗寬敞,配備高級豪華設備,加埋服務人員貼心照顧,即使足不出酒店,都已經可以盡情舒展身心!
澳門上葡京糅合中西現代設計,房間處處展現時尚色彩;而大堂則引入多位著名藝術家作品,讓旅客沉浸於藝術氛圍之中。
去玩當然唔想受天氣限制!澳門上葡京仲擁有長達25米室內恆溫游泳池,以巴洛克風格配上澳門獨特風格而設計;玩完再去歎埋上葡京水療中心及THE KARL LAGERFELD水療中心,感受一下原來SPA都可以如此極盡時尚,展開洗滌身心靈之旅!
開心掃貨過佳節
大節當前,唔單止要揀份心思禮物畀對方,好友們亦係表示關懷嘅時刻!喺澳門新葡京嘅聖誕禮品屋揀選禮物籃只係由$1,500起,搜羅優質美食與精選小食盡在其中。
另外,位於上葡京購物中心消費滿$3,000,亦即送購物折扣券,最高可獲$2,200餐飲代金券及購物代金券,並有機會提供一晚住宿體驗,多買多送,送完即止。
資料由澳門上葡京提供
↓透過發佈帖文賺取收入!立即參加!↓
↓立即睇打卡熱點/地道隱世美食/必買手信等!↓