近日，有女網民 (下稱：事主) 在愛情平台「Couple.murmur」分享，2年前為了移民，倉猝地和當時拍拖4年的男友結婚。然而，婚後一同生活才發現男方缺點多多，更力數對方3大問題，令她大呻很後悔和他結婚，早知揀個有能力的老公啦！
▶立即下載U Lifestyle App：https://onelink.to/ulapp4
同場加映: 【旅人指南針】開箱台灣南投最美渡假酒店 超夢幻！日月潭美景盡收眼底
婚後移民3大問題|1.要接受對方不良嗜好
首先，事主婚後發現老公自制能力很差，喜歡將酒當水飲，經常又煙又酒，普通一個煙Break 15分鐘，大Break一般都超過1小時。事主曾嘗試叫老公自制，而他每次都答應會改善，但最終都無做到。因此事主每次見到都覺得很忟憎，「我唔係佢阿媽，唔想成日話佢，驚佢嫌我煩，但佢只係左耳入右耳出。」
婚後移民3大問題|2.發現價值觀不同
事主對未來都有規劃，但老公卻無規劃又不儲錢，單單這點已相差好遠。二人一向都是經濟獨立，所以從不干涉對方「銀行戶口」，而事主婚後才發現老公沒甚麼儲蓄，經常大安旨意覺得少少錢就夠用。結果移民連預繳1年的租金也沒有，移民2年來，所有租金都由事主支付，生活費則由老公負責，總之「生活支出比例大概我2/3，佢1/3咁上下。」
由於頓成經濟支柱，令事主大呻不敢生仔，因為生了便不能工作養不起孩子。事主又呻，當發現要負責大部分開支時，就會覺得有壓力，繼而後悔無找一個有能力的老公。她直斥，現今世代男人已經沒有要負起頭家的思想。
婚後移民3大問題|3.信任問題
最令事主傷心的是發現老公婚後玩交友App，雖然只是玩了一陣子，但見到交友對話內容，不禁「個心真係離一離」。雖然不是很過份，但足以令二人的信任完全崩壞，直言從來無想過他是這一種人。最終老公也有向她道歉，而事主選擇原諒他。
雖然事主力數老公不是，但她只是純粹想發洩。現時她的生活開心自在，而且他們都是相愛的！只是如果可以重新選擇，可能不會選擇和他結婚，但既然選擇了，唯有繼續經營。此外，事主勸喻大家婚前要先了解對方多一點，想清楚愛情和麵包應怎樣選擇？
而網民的看法卻大不同，認為既然婚後接受不到以上問題，為何不及早離場呢！「拍左4年先接受唔到依啲問題，咁點解唔一早分開？」、「冇小朋友！唔需要迫自己繼續經營！」、「趁仲係年輕， 如果自己負擔得到，其實你都可以選擇離婚，阿女，錫自己多啲！」、「為咗移民而結婚真係好傻…到你覺得以後都可以靠自己，而且再畀咁多時間大家都係磨合唔到就離開。」
不過，亦有網民欣賞事主態度，認為她敢做敢當。「樓主有呢一份覺悟真係值得佩服，衰得起，果斷負起責任。男人其實同細路仔一樣，你未去到生死存亡之制，佢係無辦法突然責任感上身。」、「好欣賞你願意繼續經營，其實人都會慢慢變，有時可能要有啲契機同環境上嘅配合。好老土但其實係真嘅，係愛真係會令人變好令人成長。當你揀左繼續經營，可能唔好太在意短期內冇咩改善，咁會舒服啲。煙酒呢啲嘢話唔定係為左要逃避壓力先咁上癮，生活入面搵到下其他寄託都可以好大幫助架。祝你成功經營到一段幸福長久嘅婚姻。」
授權轉載：IG@Couple.murmur
原文如下：
↓ 日本直送！適合一眾愛美養生人士！↓
↓ 純黑咖啡、冷萃黑咖啡！讓您感受馥郁濃香！↓
utravel
發表回應