想快閃去旅行充電？澳門係最好選擇！幾年無去澳門，梗係要住豪啲玩豪啲食豪啲啦！要數近期最新嘅豪華品味酒店，必定係位於澳門上葡京綜合度假村內嘅THE KARL LAGERFELD！呢間全新酒店係全球唯一由國際時尚大師Karl Lagerfeld（時裝界「老佛爺」）親自設計，結合中西華麗格調，備有設計獨特嘅客房和套房，酒店內嘅餐廳無論裝潢和菜式都令人驚喜萬分。而且仲有奢華風嘅水療中心、健身室及至室內泳池，處處都係打卡位，立即為大家詳盡介紹！
把握期間限定住宿優惠
由即日起至2023年3月30日酒店推出期間限定住宿優惠，預訂經典客房1晚由MOP 1,788起，即獲享MOP 300澳娛綜合及澳門雅辰酒店餐飲代金券！代金券可於澳娛綜合及澳門雅辰酒店旗下29間餐廳使用。
預訂限定住宿優惠：https://www.grandlisboapalace.com/tc/offers/stylish-gourmet-retreat
客房設計中西合璧 奢華而舒適
進入THE KARL LAGERFELD酒店大堂，即見到牆上由逾千條鑰匙砌成嘅「KARL Kameo」頭像，非常壯觀！同時，大堂擺設咗一系列中國景德鎮嘅手工訂製瓷器，展示出中國傳統工藝嘅瑰麗及獨特嘅現代中國風格，極度吸睛！絕對係影相打卡位之一。酒店提供271間客房和套房，分為6個客房類型，包括經典客房、豪華客房、時尚套房、傳奇套房、經典套房及卡爾套房，房間設計融合中西美學，其中經典套房用上華貴金、暖棕和嫣紅色互相搭配，型格中盡顯品味！
酒店大堂牆上嘅「KARL Kameo」頭像設計，其中可近距離欣賞到時尚大師操刀嘅藝術品。
經典套房以中式月洞門設計分隔客廳和睡房，由Karl Lagerfeld親自設計，茶几嘅檯腳設計成花樽造型，可見大師嘅非凡創意。
經典客房內浴室用上華貴嘅金色，打造典雅奢華感而不落俗套。
餐廳品味裝潢 美饌精緻有驚喜
酒店不只房間設計及設備奢華，其兩間餐廳亦別具型格品味。位於3樓嘅「味賞」葡國菜餐廳，處處呈現出「老佛爺」嘅獨有風格及用色喜好。餐廳總廚擅長運用各款葡式食材，把經典美食和時令食材融合，配以無限創意炮製出令人驚喜嘅菜品，推介必試香辣葡式烤雞和葡式海鮮飯。另外，餐廳有駐場專業調酒師調製出各款特色雞尾酒，並提供一系列葡國美酒和各款汽酒及烈酒，最啱三五知己把酒暢飲。
「味賞」葡國菜餐廳最受注目必然係以中式鳥籠靈感設計嘅特色酒吧。
「味賞」嘅用餐區以幾何線條配搭中國風格調，天花嘅LED屏幕帶來視覺震撼，絢麗景色盡收眼底。
另一間餐廳係位於酒店大堂嘅「博覽廊」，主打環球美食。餐廳佈置參考時尚大師Karl Lagerfeld嘅私人大宅內嘅圖書館設計，裝潢充滿文藝時尚感。餐廳提供多款鹹甜美點，推介必試博覽廊招牌漢堡包、傳統法式三文治及博覽廊特色下午茶，最啱約埋閨蜜一齊嚟歎番個貴氣下午茶，一邊體驗「老佛爺」嘅非凡美學，一邊影相打卡，必定有個美好嘅下午時光！
「博覽廊」陳列超過4,000本由Karl Lagerfeld名下書店精心挑選嘅珍藏書籍。
歐洲美學與中式風格縱橫交織，破格時尚，處處都係打卡靚景。
水療中心、健身室、泳池一應俱全
享受完滋味美饌，當然想去放鬆一下。位於3樓嘅水療中心係以黑色雲石與金色馬賽克互相搭配，整個空間摩登型格中倍感舒逸悠閒。另外，設有6間水療套房，並獨家引入獲奬醫學美容品牌111SKIN，提供不同面部及身體嘅護膚美顏護理療程，絕對係好好放鬆嘅頂級享受。熱愛運動一族，喺充滿品味嘅健身室中，你可使用先進嘅Technogym®健身設備或預約一對一私人訓練等；而同樣由「老佛爺」操刀呢個位於3樓嘅25米室內恆溫泳池，採用馬賽克圖案設計，無論帶小朋友、愛人還是閨蜜，都可以喺度盡情豪歎屬於自己嘅樂趣。
酒店設有敞大嘅室內恆溫泳池，用上鮮明嘅馬賽克圖案，呈現時裝界「老佛爺」嘅設計風格。
健身室不但設備先進齊全，令人耳目一新。
水療中心以黑色配金色為主調，突破傳統設計風格，營造出時尚、奢華與華麗集於一身嘅消閒空間。
資料來源：澳門上葡京綜合度假村
去到邊 Share到邊～立即記錄您的生活足跡！
↓ 夏日都可以有清爽感受！立即入App換領！ ↓
utravel
發表回應