澳門通關！度假新熱點――「澳門上葡京綜合度假村」及住宿優惠

文: PM

2023.01.26

香港與澳門正式全面通關，相信大家都忍唔住要衝出香港吧！想嚟緊中西情人節或周末近近哋享受一個食買玩樣樣高質嘅悠閒Staycation？一於連機票都唔洗買，即興嚟個快閃遊，去到集吃喝玩樂住宿於一身嘅澳門度假新熱點――澳門上葡京綜合度假村玩番轉啦！由即日起至2023年3月30日，度假村推出期間限定住宿優惠，以優惠價享受酒店住宿一晚並可獲享MOP 300餐飲代金券，以下就同大家率先睇吓酒店有咩嘢好食好玩好住啦！

澳門上葡京綜合度假村位於澳門路氹，集休閒娛樂、餐飲購物、酒店住宿於一身，度假村內有兩間特色酒店「澳門上葡京」及「THE KARL LAGERFELD」。「澳門上葡京」設計糅合中西文化精髓，有1,350間客房，客房全部配置高級豪華設備；而另一酒店大樓「THE KARL LAGERFELD」係全球唯一由時尚大師 Karl Lagerfeld親自操刀，有271間客房及套房，採用極具破格嘅圖案及前衛大膽用色，貫徹老佛爺一貫嘅時尚格調！

酒店期間限定住宿優惠

兩間酒店各有特色，由即日起至2023年3月30日推出期間限定住宿優惠，預訂澳門上葡京豪華客房1晚由MOP 988起，或THE KARL LAGERFELD經典客房1晚由MOP 1,488起，即獲享MOP 300澳娛綜合及澳門雅辰酒店餐飲代金券！代金券可於澳娛綜合及澳門雅辰酒店旗下29間餐廳使用。

預訂限定住宿優惠：https://www.sjmresorts.com/tc/rediscover-the-wonder-of-macau/

「澳門上葡京」提供瑰麗寬敞嘅客房，可俯瞰優美嘅綠茵勝境花園或眺望路氹城區，每晚房價由MOP 988起。

綠茵勝境花園晚上閃爍絢麗嘅燈光，成為人氣打卡勝地。

踏入酒店大樓「THE KARL LAGERFELD」嘅大堂，即感受到時尚傳奇大師Karl Lagerfeld（老佛爺）嘅品味世界。

「THE KARL LAGERFELD」嘅傳奇套房，以金黑色為主調，加入古典氣息家具，設計充滿驚喜。

滿載驚喜嘅美食體驗

香港人識飲識食，嚟到澳門當然要吃好貨。「澳門上葡京綜合度假村」雲集環球美食，無論本地特色、葡式風味及中西美食都有齊，包括由時尚大師Karl Lagerfeld親自設計，貫徹「老佛爺」設計獨特鮮明風格嘅「味賞」；由米芝蓮星級大廚巧手烹調、以精緻粵菜主打嘅「御花園」、廣納粵式飲食文化精髓、懷舊點心一應俱全嘅「茶樓」、有齊國際時令及全澳門最多佳餚選擇嘅「自助山」，以及可讓愛打卡女士們悠閒地歎個下午茶、法式糕點和招牌KL法式閃電泡芙系列嘅「博覽廊」等。

「味賞」餐廳佈置由「老佛爺」親自設計，主打正宗葡國菜。

「茶樓」嘅裝潢以茗茶和點心作為靈感，令人有重拾昔日廣東茶樓歎「一盅兩件」嘅粵式飲茶樂趣。

「御花園」嘅靈感源自宮廷園林，最吸睛莫過於一幅35米長嘅訂製菊花蘇繡，極具氣派，打卡之選。

雲集超過200個國際時尚品牌

度假點少得行街shopping！上葡京嘅「尚品匯」購物中心集結超過200個國際時尚及人氣生活品牌，包括cdf澳門上葡京店及新八佰伴。cdf澳門上葡京店係中免集團嘅澳門旗艦店，匯聚超過170個世界知名品牌，包括女士至愛嘅時裝配飾、名錶珠寶、美妝香水及一家大細都鍾意嘅環球特色食品和紀念品，並設有多個購物專區同VIP 貴賓室，可享受到尊貴購物嘅服務。「NY8新八佰伴」概念店引入多個前所未有嘅人氣品牌，設有四大主題購物區域，包括美食薈萃區、西式精品超市、男女潮流時裝、智能數碼電器、品味家居擺設、童裝服飾及精品玩具，一站式滿足唔同時尚品味與購物喜好。

cdf 澳門上葡京店內多個品牌雲集，包括時裝配飾、名錶珠寶、美妝香水、環球特色食品及紀念品，愛shopping一族不可錯過。

「尚品匯」購物中心佔地超過75,000平方米，足可讓大家盡情逛、盡情購物。

水療中心˙打卡靚景˙特色泳池應有盡有

血拼完後，雙腳一定好酸軟，最啱歎個Spa享受一下。上葡京水療中心糅合歐洲巴洛克與中國傳統設計風格，嚴選法國尊貴醫學美容品牌Biologique Recherche，有卓越嘅美顏煥活與紓壓按摩療程，等疲倦嘅肌膚體驗專業悉心呵護，盡情放鬆。扮完靚靚後，一於去到洋溢歐陸風情嘅綠茵勝境花園盡情打卡影靚相！歐陸式花園環境清幽，俾小朋友盡情放電之餘，處處都係影靚相打卡位。同時，兩間酒店均設有室內恆溫游泳池可供客人享用，輕鬆歡度精彩假期！