唐寧移居紐西蘭決定尋回自我 入行30年首次爆喊剖白「唔係幾認識自己」

擁有「最強童顏」之稱的唐寧（本名：江麗娜），自淡出娛樂圈後，轉型成為KOL，更開設個人YouTube頻道「Leila Kong 唐寧」。早前，她在影片中透露已與一對子女移居紐西蘭，最新一條影片中更在鏡頭面前爆喊深情剖白，直指「唔係幾認識自己」！

同場加映: 【旅人指南針】布吉住宿2022｜合家歡度假必去Resort 1300呎家庭大房/獨立泳池Villa/私人海灘！

• 盤點5位移英藝人生活近況 有人繼續順風順水！有人則生活不如意？

現年41歲的唐寧（本名：江麗娜），自5歲起參演多部電影及電視劇，包括《縱橫四海》、《大時代》、《大唐雙龍傳》、《天涯俠醫》等，是不少人心目中的「最美童星」。唐寧在2017年與舞台劇導演兼演員鄧偉傑離婚後，成為單親媽媽。在今年11月，更在影片中透露已與一對子女移居紐西蘭。

點擊圖片放大

日前，在新一條影片中唐寧化身導遊，介紹紐西蘭的景點，更帶大家上山玩飛索、滑道，以及挑戰玩極限韆鞦，感受「飛落山」的感覺，結果更玩到爆喊！

點擊圖片放大

+6

+5

挑戰成功後，唐寧向大家解釋爆喊並非驚而是因為感動。她稱自己由當童星自今，經已入行30年，大家亦相對較熟悉她的藝名「唐寧」，「自己由細做戲，『唐寧』呢個名、呢個身份亦都跟咗我好耐，其實有時我都會諗，『唐寧』同『江麗娜』有冇分別。『唐寧』成日都好似好開心，又介紹呢樣介紹嗰樣，都好似幾懂事」。

點擊圖片放大

令她不禁問自己「江麗娜係點呢」，唐寧直言「我覺得好似連我自己都唔係幾認識自己，我認識嘅『江麗娜』其實好怕事，好多嘢都唔敢去做，或者會驚自己做得唔好，或者驚自己做唔好，或者做唔到咁」。

點擊圖片放大

唐寧直指「江麗娜」缺少勇氣，「有時會用『唐寧』去包住自己，當做返『江麗娜』時有幾多嘢，佢真係做到」。期間，她更一度哽咽，表示當初決定移居紐西蘭，除了為一對子女外，也是為尋回自我，「除咗希望能為自己同身邊嘅人去安排一個更好嘅將來之外，我係好想去搵吓『江麗娜』係點」。最後，唐寧相信自己可以在紐西蘭找到答案，同時亦鼓勵大家如果有煩惱時，不妨出走到其他地方，藉此更了解自己。

點擊圖片放大

• 簡淑兒以過來人身份拍移民節目《離鄉別井的故事》 8歲曾移民美國！飛英國親訪當地港人實況

資料來源︰YouTube@Leila Kong 唐寧