地球已經無嘢可以阻止香港人去旅行喇！咁耐無飛，不如飛盡啲嚟個Long Vacation啦！今次我哋搜羅咗4個截然不同嘅國家畀大家，無論你係想好好尋「休」唞一下、抑或要探「秘」搵新奇刺激，倫敦、杜拜、秘魯及坦尚尼亞，都一定滿足你要有talking point又夠型嘅要求！拎住World Mastercard卡或World Elite Mastercard卡仲有好多獨家優惠提供，未有嘅就要快啲申請定喇！
尋「休」No.1：倫敦chill住玩Harry Potter片廠+逛百年市集
咁多親朋好友去咗英國，出關第一件事梗係去探佢哋兼一齊玩轉倫敦喇！哈利波特華納兄弟影城製片廠一直係熱門景點，雖然無遊樂設施提供，但到處都有真實電影中出現嘅場景、手稿、道具、服裝、3D特效等等，絕對係Harry Potter迷朝聖地。
Harry Potter特製片廠嘅每個景致，都係耳熟能詳嘅場景，好似霍格華茲大廳、9又4分之3月台 PLATFORM 9¾等，令人再一次憶起每個角色。
除咗Harry Potter片廠值得潮聖外，位於倫敦泰晤士河畔、倫敦橋橋墩附近嘅波羅市場Borough Market亦係必到之地！已經有百年歷史嘅Borough Market專門販售各式生熟餐飲，亦有好多地道小食，附近更有聖保羅教堂、貝爾法斯特號、泰特美術館、莎士比亞環球劇場等景點，可以畀你玩足全日！
嚟到Borough Market，芝士控準備尖叫失控啦！呢度亦有好多特色美食，而且到處都乾淨企理，每樣物品都精緻又典雅，令人好有掃貨衝動！
實用資訊：即使幾衝動都要有所準備！用Mastercard卡（包括白金卡、鈦金卡、World Mastercard和World Elite Mastercard）喺Agoda專屬Mastercard頁面預訂全球酒店，可享高達88折優惠。
想安心出行的話，用埋Mastercard卡訂購龍騰出行機場禮賓車服務，均可以免費或以優惠價乘坐頭等的陸路交通工具，來往機場及市中心，參與地區機場包括亞太地區、歐洲和美國等。
尋「休」No.2：去杜拜全新地標「未來博物館」+玩沙漠飛馳
睇完真人騷《閃閃令杜拜》，好想去杜拜睇吓呢個富豪集中地係咪咁處處奢華？即刻起程啦~今年開幕嘅全新地標「未來博物館」位於繁華金融區，以環狀鏤空建築而成，與阿聯酋航空相互連接；館內分為「Journey to the future」、「Tomorrow Today」及「Future Heroes」等區，以探索科技革新及推演未來生活為主，與一般博物館截然不同。
「未來博物館」從建築外觀以至展覽部份，都帶有濃厚未來感。
睇完高科技展覽，不妨參與一啲貼地行程！既然嚟到杜拜，又點少得去沙漠觀賞一下！例如走訪阿拉伯營地、坐四驅車奔馳於沙漠之中、下午感受駱駝騎行、玩埋漢娜彩繪，欣賞精彩肚皮舞表演、以及品嚐阿拉伯BBQ美食，都可以感受到當地傳統特色！
充滿異國風情嘅阿拉伯式活動，一生必要試一次！
實用資訊：仲有好多杜拜行程畀你揀嘅Klook，只要用Mastercard卡（包括白金卡、鈦金卡、World Mastercard和World Elite Mastercard）訂購交通、景點和旅遊行程商品可享專屬優惠，可享低至9折優惠，一年最多使用8次，每次折扣上限為60美元。
World Mastercard和World Elite Mastercard卡持有人更可獲最高12個月HoteLux Elite會藉，並額外獲贈500 HoteLux迎新獎賞積分（相當於美金50元）。
探「秘」No.1：秘魯爬驚險懸崖旅館+勇闖亞馬遜河
人生難得嚟到秘魯，當然要盡力「體驗」當地特色！被喻為「全球最驚險」旅館之一嘅Natura Vive，建於懸崖之上，入住者需喺懸崖攀爬離地面400公尺，先可以入住透明膠囊旅館，雖然驚險度十足，但晚上夜空繁星閃耀嘅美景，將會令你一生難忘！
以採用航空鋁和聚碳酸酯等材料製成嘅八角形膠囊房間，用上12個錨固定在峭壁上，原來已經可以抵禦唔同天氣狀況。
秘魯另一必到景點，必數亞馬遜河！係呢個神秘嘅熱帶雨林入面，你將會見到各式各樣嘅雨林動植物，穿越迂迴曲折嘅河道刺激感十足，更可以體驗食人艙圍繞住你嘅驚險感覺！
河道上四周都有好多唔同嘅熱帶雨林動植物，可以好好感受一下最原始嘅大自然氣息。
實用資訊：唔想屋企人擔心，就要做足安全支援！美亞旅遊保險為World Mastercard持卡人提供旅遊行程中所各種有關健康及安全方面嘅支援及所需保障，醫療費用保障更高達10萬美元，同行配偶及子女亦能享有保障之50%限額補償，夠晒貼心！
探「秘」No.2：
坦尚尼亞：走入野生動物世界+睇埋巨龜棲息地
當置身於坦尚尼亞嘅野生國度之中時，突然發現世界原來咁精彩！近距離觀賞動物大遷徒、欣賞長頸鹿與獅子們共處、都係當地Safari獵遊活動之一。而且當地司機導遊、旅館服務等均有品質保證，亦有唔少豪華型草原露營glamping體驗，絕對係一場難得嘅生命之旅！
坐喺開蓬吉普車裡穿山過嶺，到唔同地方尋找動物蹤影，將野外世界成為認識世界嘅活動教室。
除咗Safari上山獵遊外，下海一樣精彩！鄰近嘅昌古島亦係當地旅遊勝地，更係亞達伯拉象龜棲息地；旅客可以喺度觀摩象龜生活外，亦可體驗浮潛等海洋活動，實行玩轉海陸兩地！
平時喺香港只能隔住圍欄睇象龜，但喺昌古島就可以親自餵象龜食吓嘢、落埋海底探魚仔，與大自然合而為一。
實用資訊：唔係每個電訊商都可以提供完善網絡！合資格嘅Mastercard持卡人就可以揀選Flexiroam漫遊通全球數據漫遊服務，只需設定一次，即可獲得全球150多個國家超過580家電訊公司的漫遊服務，唔使去到唔同國家再買、更換SIM卡或隨身攜帶Wi-Fi機的麻煩。
電子支付更安全、且方便又快捷
資料由客戶提供
↓立即睇打卡熱點／地道隱世美食／必買手信等！↓
↓精選50間咖啡店（附評分）！即睇詳細介紹↓
utravel
發表回應