現今港人去旅行大多都會自由行，但仍有部分港人為求方便會選擇跟團。有網民早前在香港討論區以「有咩旅行趣事係要跟旅行團先會遇到」為題發文分享不同旅行團奇遇經歷！就此，小編整合了3大跟團獨有的經歷，不知道大家又有沒有經歷過？
同場加映: 【旅人指南針】W OSAKA正式開幕 安藤忠雄操刀設計、打卡浴缸望大阪市景！
1. 被安排購物行程
跟團少不免會加插不同購物行程，更曾經發生「導遊阿珍」責罵團友不購物事件！不少網民紛紛留言分享跟團購物經歷，「細個同屋企人跟旅行團去台灣，導遊帶我地去睇玉器仲叫我地睇岩就買，而我地又真係買左幾舊玉返香港，到依家都唔知戈幾舊野有咩用又唔靚」、「去上海成個團12人 (有5個party)，一落機去食飯，跟住去購物點，結果人地講完後我地一個二個好有默契禁走出來等上車；結果比領隊叫返入去，領隊心諗你班友係唔係夾埋」、「當年第一次去韓國，畀佢帶成團人去買人參，又話啲咩人蔘幾多年，用蜜糖醃製，可以當涼果食，第度冇得賣，好似三百幾蚊一支，返嚟香港後來見到三百六十蚊就有六支了」。
2. 在旅遊巴上炒熱興奮
為了令大家更投入旅程中，不少導遊會把握坐旅遊巴的時間，便會提議一起唱歌炒熱氣氛，「跟旅行團去北京冇拿拿成團人係架旅遊巴到大合唱，原本訓得好地地都比佢地嘈醒跟住一齊唱」，「成團唱歌真係經典」。但亦有導遊會把握時間向團友介紹景點特色，「車上導遊正X街，車程三個鐘，開咪講足兩個半鐘唔比客人訓」。
3. 與團友擦出愛火
跟團會與其他陌生人組團一起旅行，當中更有機會認識自己的未來另一半，「試過旅行團坐車時，我喜歡寬敝自己一人去最尾坐，有位女士以為我單身一人，走埋嚟坐係我隔離, 仲對住我淺笑」、「某次旅遊，導遊姐姐好靚女，有位團友常借機黐住同佢傾偈，明眼人都睇得出佢對姐姐有意，但姐姐對佢無意，之後見佢埋嚟就避開佢」、「係個男領隊幾靚仔，比個單身女團友睇中，仲送禮物比佢」。
資料來源︰香港討論區
↓ 生蠔 (廚師發辦) + Prosecco氣泡酒！ ↓
↓精選50間咖啡店（附評分）！即睇詳細介紹↓
utravel
發表回應