近年來相信不少港人都經歷了身邊朋友、親人或同事移民離港,有網民(下稱︰事主)日前在網上討論區發文大呻,有一個從小玩到大的好兄弟,自己見證著對方成家立室,但近日竟發現對方要移民海外!最悲慘是連其他不相熟的朋友都得知此事,唯獨自己是最後一個知道,令他非常生氣。
同場加映: 【旅人指南針】W OSAKA正式開幕 安藤忠雄操刀設計、打卡浴缸望大阪市景!
男事主日前以「根本唔當我係兄弟」為題,在香港討論區發文大呻,自己有一個從小「玩到大」的好兄弟,小學及中學都是就讀同一所學校,直至大專才分開讀書。畢業後,二人亦會定期約見,「每個月至少都會約兩次出嚟食飯,之前疫情冇得堂食都會上對方屋企食飯」。男事主續指,好兄弟於上年求婚成功,原本計劃明年年初舉行婚禮,但突然取消一切原定計劃,只是「簡單簽紙就算」,男事主當時更特地請假親眼見證兄弟成家立室,「我阿媽仲笑我見到兄弟結婚開心到好似自己結婚咁」。
近日,男事主發現兄弟及其妻子正在整理家中雜物,更發現「以前細個同佢影啲相都俾佢擺咗入垃圾袋」,於是男事主便好奇一問是否打算搬屋,兄弟此時才向男事主說出移民的決定,「原來由求婚之前佢哋兩個已經決定好要移民,唔擺酒都係因為想慳錢」。
男事主聽後頓感震驚,「由始至終我完全唔知佢哋要移民,但係其他冇咁熟嘅朋友都知佢哋移民嘅計劃」,認為最相熟的好兄弟竟然是最後一個得知此事,直言「宜家個心情仲衰過失戀呀」,更表示「如果我唔問嘅話可能就要佢走嗰日我先知」!
帖文一出,隨即引起網民熱烈討論,不少網民紛紛留言安慰男事主,「睇開啲,你要知道世上沒有一段關係是永恆的,有聚有離」、「人大左你會知,天下無不散之筵席」、「咁多年友誼雖然可惜,但人各有志」。
點擊圖片放大
資料來源︰香港討論區
↓【出Post賺現金賞】《社群》助您發展創作者事業↓↓
↓透過發佈帖文賺取收入!立即參加!↓
↓透過發佈帖文賺取收入!立即參加!↓
↓全新旅遊主題集結!↓↓
↓立即睇打卡熱點/地道美食/住宿指南等!↓
↓立即睇打卡熱點/地道美食/住宿指南等!↓