2022.12.02
旅行從來都不是年輕人的專利，近日有網民（下稱：事主）在網上討論區發文表示，計劃帶同93歲的老人家前往歐洲旅遊，「趁佢仲行得走得」。不過，事主的心意似乎並未能獲得其他網民支持，他們擔心老人家身體未必能負荷，更有網民表示「你唔好害老人家啦」
近日，事主在連登討論區以「想帶93歲老人家去旅行，有咩要注意」為題發文，表示正計劃帶同93歲高齡的嫲嫲前往法國、瑞士、意大利和德國旅遊，希望「趁佢仲行得走得」可以結伴同行見識世界。 事主表示，嫲嫲在87歲時曾經前往美國旅遊，當時嫲嫲「經濟位都仲頂得住」，不過，事主都擔憂「事隔幾年唔知仲頂唔頂得順」。
點擊圖片放大
帖文一出，隨即引起網民熱烈討論，不少網民認為事主此舉有機會危及嫲嫲性命，「你唔好害老人家啦」、「老人家搭長途機好易肺栓塞即時死，到時全機陪你地緊急降落」、「你洗唔洗問吓醫生先，咁老可唔可以搭咁耐飛機架」。亦有網民建議事主帶同老人家乘搭郵輪，「其實郵輪真係好啲，可以搭個短程啲既去日本上郵輪過歐洲」。
最後，事主回覆指應該只會選擇台灣、日本等鄰近的目的地，「其實都係初步諗吓，一係近近哋同佢去日本算」。
資料來源：連登討論區
↓全新旅遊主題登場↓↓
↓立即睇打卡熱點／地道隱世美食／必買手信等！↓![]()
↓立即睇打卡熱點／地道隱世美食／必買手信等！↓
↓ 【送禮】《社群》派利是！↓↓
↓ 立即入APP參加！↓![]()
↓ 立即入APP參加！↓
utravel
發表回應